Platoon (títol orichinal en anglés, en aragonés Pilotón, estrenada en Aragón con o suyo títol orichinal) ye una cinta de cine belico de cine estausunidense de l'anyo 1986 dirichida por Oliver Stone seguntes un guión orichinal d'él mesmo, con una banda sonora orichinal de Georges Delerue, una dirección de fotografía de Robert Richardson y una producción cinematografica d'Arnold Kopelson ta la productora cinematografica Hemdale Film Corporation. Conta con un elenco d'o cual en fan parte Charlie Sheen, Tom Berenger, Willem Dafoe, Keith David, Forest Whitaker, Francesco Quinn, Kevin Dillon, John C. McGinley, Reggie Johnson, Mark Moses, Corey Glover, Johnny Depp, Chris Pedersen, Bob Orwig, Corkey Ford, David Neidorf, Richard Edson, Tony Todd y Dale Dye, entre d'atros actors.
Platoon fa parte d'una trilochía de cintas sobre la guerra de Vietnam dirichidas por Oliver Stone, que continó con Born on the Fourth of July (1989) y Heaven & Earth (1993) y ta la escritura d'o guión cinematografico aproveitó las suyas propias experiencias, en haber combatiu en ixa guerra como soldau en una unidat d'infantería (ista estió la primer cinta estausunidense ambientada en a guerra de Vietnam que estió dirichida por un ex combatient d'ixa guerra).Oliver Stone, en os comentarios adhibius como material adicional en a edición en devedé d'a cinta.
A cinta conta la historia de Chris Taylor, qui plega en Vietnam en 1967 como voluntario, estando adscrito a la 25ena División d'Infantería. Lo chefe nominal d'o pilotón a lo cual l'han incorporau ye lo tenient Wolfe, pero en realidat en estar o tenient inexperto en a guerra los autenticos chefes d'o pilotón son dos sarchentos, Barnes y Elias, estando iste zaguero d'un comportamiento muito mas humano que lo primero. En a suya primera patrulla en a chungla, Taylor recibe una ferida y un atro d'os miembros d'o pilotón muere. Bien luego Taylor prencipia a simpatizar muito mas con Elias y con o suyo cerclo de sgeuidors, fumadors habituals de marihuana, a la vegada que se mantiene distant de Barnes. Cuan en una segunda patrulla mueren atros tres miembro d'o pilotón, Barnes dentra en una aldeya amanada de malas maneras, fendo un brutal interrogatorio a lo chefe de l'aldeya ta dimpués matar a su muller cuan iste li recrimina y menazar a su filla con un arma en a cabeza. Cuan plega Elias impide que contine la violencia de Barnes pero toz dos luitan entre éls, a la vegada que Taylor impide que dos amigos de Barnes violen en un atro puesto de l'aldeya a una nina. En tornar en a base comunican a lo capitán Harris os feitos y iste diz que se fará una investigación, a la vegada que Elias diz que ye bien disposau a testificar en chudicio contra Barnes. En ixa tensa situación con un pilotón dividiu entre partidarios de cada sarchento y atros miembros que se mantienen neutrals, se ninvía a lo pilotón a ua tercera patrulla, a on esclatará la tensión acumulada cuan Barnes dispra contra Elias y lo deixa abandonau ta que lo maten.
Platoon s'ambienta en l'anyo 1967 en Vietnam mientres a guerra de Vietnam, y las suyas escenas se filmoron en Manila y bels atros lugars en as Filipinas. Localizacions de Platoon en Internet Movie Database.
Se tracta d'una cinta que ha recibiu cuantismos premios y nominacions, entre los cuals se pueden mencionar cuatre Premios Oscar (Millor Cinta, Millor Director, Millor Montache y Millor Soniu) y cuatre nominacions (dos a lo Millor Actor Segundario, Millor Guión Orichinal y Millor Fotografía) en a suya 59ena edición, dos Premios BAFTA (Millor Montache y Millor Director) y una nominación (Millor Fotografía) en a suya 41ena edición, u tres Premios Globos d'Oro (Millor Director, Millor Cinta Dramatica y Millor Actor Segundario) y una nominación (Millor Guión) en a suya 44<sup>ena edición.
Elenco Platoon en Internet Movie Database. Actor Papel Notas ''''
Se veiga tamién Cine en 1986. Cintas de 1986.
Referencias
Categoría:Cintas ambientadas en Vietnam Categoría:Cintas ambientadas en 1967 Categoría:Cintas con banda sonora orichinal de Georges Delerue Categoría:Cintas con dirección de fotografía de Robert Richardson Categoría:Cintas con guión d'Oliver Stone Categoría:Cintas con montache de Claire Simpson Categoría:Cintas de cine belico Categoría:Cintas d'Estaus Unius Categoría:Cintas dirichidas por Oliver Stone Categoría:Cintas en anglés Categoría:Cintas en vietnamita Categoría:Cintas interpretadas por Bob Orwig Categoría:Cintas interpretadas por Charlie Sheen Categoría:Cintas interpretadas por Chris Pedersen Categoría:Cintas interpretadas por Corey Glover Categoría:Cintas interpretadas por Corkey Ford Categoría:Cintas interpretadas por Dale Dye Categoría:Cintas interpretadas por David Neidorf Categoría:Cintas interpretadas por Forest Whitaker Categoría:Cintas interpretadas por Francesco Quinn Categoría:Cintas interpretadas por John C. McGinley Categoría:Cintas interpretadas por Johnny Depp Categoría:Cintas interpretadas por Keith David Categoría:Cintas interpretadas por Kevin Dillon Categoría:Cintas interpretadas por Mark Moses Categoría:Cintas interpretadas por Reggie Johnson Categoría:Cintas interpretadas por Richard Edson Categoría:Cintas interpretadas por Tom Berenger Categoría:Cintas interpretadas por Tony Todd Categoría:Cintas interpretadas por Willem Dafoe Categoría:Cintas producidas por Arnold Kopelson Categoría:Cintas rodadas en Filipinas Categoría:Cintas rodadas en Manila Categoría:Cintas sobre a Guerra de Vietnam