Wilma Glodean Rudolph, conoixida esportivament como Wilma Rudolph, naixida de Saint Bethlehem (Tennessee, Estaus Unius) 23 de chunio de 1940 y muerta en Brentwood (Tennessee, Estaus Unius) o 12 de noviembre de 1994 estió una atleta afroamericana, ganadora de cuatro medallas olimpicas y considerada una d'as millors velocistas d'a decada de 1960. Aconsiguió estar campeona olimpica y os récords mundials de 100 y 200 m.l., esdeviniendo un icono esportivo internacional en atletismo dimpués d'os Chuegos Olimpicos de 1960 estando un referent pa las mullers negras que practicaban esporte.
En os Chuegos Olimpicos de verano de 1956 celebraus en Melbourne, Australia, Rudolph compitió en os 200 metros y ganó una medalla de bronce con o releu de 4 × 100 metros. En os siguients Chuegos en Roma 1960 ganó dos medallas d'oro, en as prebas individuals de 100 y 200 metros lisos y unatra con o releu de 4 x 100 metros.
En l'anyo 1962, Rudolph se retiró d'a competición en a cumbre d'a suya vida atletica y encara con a suyas marcas como récords mundials en as prebas de 100, 200 metros y os releus de 4 × 100 metros. Dimpués de competir en os Chuegos Olimpicos de verano de 1960, se graduó en 1963 en a Universidat Estatal de Tennessee y treballó como educadora y entrenadora. Rudolph murió d'un cáncer de cabeza y cuello en l'anyo 1994. Os suyos exitos son recordaus en una gran variedat d'homenaches, como una estampeta d'os Estaus Unius, cintas documentals y una cinta feita pa televisión, asinas como en numerosas publicacions, especialment libros pa chóvens lectors.
Competicions internacionals Edición Competición Lugar Puesto Preba Marca 1956 Chuegos olimpicos Melbourne3ª Releus 4x100 metros lisos ? 1960 Roma1º 100 metros lisos ? 19601º 200 metros lisos ? 19601º Releus 4x100 metros liso ?
Bibliografía Biracree, Tom. Wilma Rudolph: Champion Athlete. Chelsea House Publishers, 1988. ISBN 9781555466756. Braun, Eric. Wilma Rudolph. Capstone Press, 2005. . Coffey, Wayne R. Wilma Rudolph. Blackbirch Press, 1993. . Conrad, David. Stick to It!: The Story of Wilma Rudolph. Compass Point Books, 2002. . Maraniss, David. Rome 1960: The Olympics That Changed The World. Simon & Schuster. , 2008. . Plowden, Martha Ward. Olympic Black Women. Pelican Publishing Company, 1996. . Sherrow, Victoria. Wilma Rudolph. Carolrhoda Books, 2000. . Smith, Maureen Margaret. Wilma Rudolph: A Biography. Greenwood Press, 2006. ISBN 9780313333071. Streissguth, Tom. Wilma Rudolph. Turnaround Publisher, 2007. . Van West, Carroll. Tennessee Encyclopedia of History and Culture. Tennessee Historical Society/Rutledge Hill Press, 1998. ISBN 9781558535992.
Vinclos externos
MLA – Norwood, Arlisha. "Wilma Rudolph." National Women's History Museum. National Women's History Museum, 2017.
Categoría:Atletas d'Estaus Unius en os Chuegos Olimpicos de 1956 Categoría:Atletas d'Estaus Unius en os Chuegos Olimpicos de 1960 Categoría:Velocistas d'Estaus Unius Categoría:Medallistas olimpicos d'Estaus Unius Categoría:Medalla d'oro en os Chuegos Olimpicos Categoría:Medalla de bronce en os Chuegos Olimpicos Categoría:Muertos en Tennessee Categoría:Naixius de Tennessee Categoría:1940 (naixencias) Categoría:1994 (muertes)