Daughter of the Wolf (títol orichinal en anglés, en aragonés Filla d'o lobo, estrenada en Aragón con o suyo títol traduciu enta lo castellano como La hija del lobo) ye una cinta de cine d'acción de cine canadiense estrenada l'anyo 2019, dirichida por David Hackl seguntes un guión orichinal de Nika Agiashvili, con una banda sonora orichinal de Jeff Toyne, una dirección de fotografía de Mark Dobrescu, una producción cinematografica de Benjamin DeWalt, Kevin DeWalt, Douglas Falconer y Danielle Masters ta las productoras Minds Eye Entertainment, Falconer Pictures y VMI Worldwide, y un elenco d'o cuak en fan parte, entre d'atros, Gina Carano, Richard Dreyfuss, Brendan Fehr, Sydelle Noel, Anton Gillis-Adelman, Chad Riley, Brock Morgan, Stew McLean y Joshua Murdoch.
A Clair Hamilton lo han secuestrau su fillo, Charlie. Ye una antiga militar y leva con ella los diners que li han demanau como rescate, pero cuan ha de fer a entrega d'os diners y recibir a su fillo, troba que ñi han parau una trampa. Mata a dos d'os secuestradors, pero Larsen consigue fuyir. Tanimientre, mientres que lo persigue, Clair caye en un laco chelau, y qui la salva ye Larsen, qui li explica que él no pensaba matar a nadie. Atamas d'ico, Clair obliga a Larsen a que laleve con os secuestradors. Istos son dirichius por Father (Pai), qui ye enemigo d'o pai de Clair dende que marchó con os diners d'os suyos socios, estando-ne él un d'ells. Cuan plegan enta la cabanya d'os secuestradors, lis disparan, pero nuevament Clair consigue matar a lo tirador, trobando que Father ha marchau con os atros secuestradors supervivients ta vender a lo nino, seguntes confiesa Larsen, qui adhibe que d'antes mas Father heba asainau a su pai y su mai y lo heva secuestrau a él ta dimpués vender-lo. Cuan troban a Father y os secuestradors, Clair intenta pagar o recate, pero Father se niega y intervambian disparos, resultando feriu Larsen en recibir una bala destinada a Clair, a qui asinas salva por segunda vegada. Clair deixa a su fillo en un puesto seguro y torna enta la cavbanya ta luitar contra Father y salvar a Larsen, a la vegada que se revela que ye recebindo l'aduya d'un lobo negro y la suya lobada.
A cinta s'ambienta en Canadá en a suya epoca actual, y las suyas escenas se filmoron en West Kelowna (Columbia Britanica) en Canadá. Localizacions de Daughter of the Wolf en Internet Movie Database.
Daughter of the Wolf ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
Elenco Daughter of the Wolf en Internet Movie Database. Actor Papel Notas ''''
Se veiga tamién Cine en 2019. Cintas de 2019.
Referencias
Vinclos externos Daughter of the Wolf en Internet Movie Database.
Categoría:Cintas ambientadas en Canadá Categoría:Cintas ambientadas en 2019 Categoría:Cintas con banda sonora orichinal de Jeff Toyne Categoría:Cintas con dirección de fotografía de Mark Dobrescu Categoría:Cintas con guión de Nika Agiashvili Categoría:Cintas con montache de Jackie Dzuba Categoría:Cintas de cine d'acción Categoría:Cintas de Canadá Categoría:Cintas dirichidas por David Hackl Categoría:Cintas en anglés Categoría:Cintas interpretadas por Anton Gillis-Adelman Categoría:Cintas interpretadas por Brendan Fehr Categoría:Cintas interpretadas por Brock Morgan Categoría:Cintas interpretadas por Chad Riley Categoría:Cintas interpretadas por Gina Carano Categoría:Cintas interpretadas por Joshua Murdoch Categoría:Cintas interpretadas por Richard Dreyfuss Categoría:Cintas interpretadas por Stew McLean Categoría:Cintas interpretadas por Sydelle Noel Categoría:Cintas producidas por Benjamin DeWalt Categoría:Cintas producidas por Danielle Masters Categoría:Cintas producidas por Douglas Falconer Categoría:Cintas producidas por Kevin DeWalt Categoría:Cintas rodadas en West Kelowna