Iste articlo ye sobre un telefilm estausunidense de cine de western de l'anyo 2007; ta atros usos, se veiga Avenging Angel.
Avenging Angel (títol orichinal en anglés, en aragonés Ánchel vengador, estrenada en Aragón con o suyo títol traduciu enta lo castellano como El ángel vengador) ye una cinta (un telefilm) de cine de western dramatico de cine estausunidense estrenada en 2007 dirichida por David S. Cass Sr. seguntes un guión orichinal de William Sims Myers, con una banda sonora orichinal de Joe Kraemer, una dirección de fotografía de Maximo Munzi, una producción cinematografica de Randy Pope y Lincoln Lageson ta las productoras Alpine Meiden, Larry Levinson Productions y RHI Entertainment, y un elenco d'actors formau por Kevin Sorbo, Nick Chinlund, Cynthia Watros, Richard Lee Jackson, Wings Hauser, Joey King, Brad Carter y Jim Haynie.
O coronel Cusack domina una redolada, a on estafa a agricultors vendendo-lis terrenos ta dimpués o fer-lis escrituras dimpués d'haber-lis cobrau a venda y aventando-los dimpués d'o territorio. Cuan un grupo se niega a marchar, fa que los suyos pistoleros los asasinen, menos una familia que busca refuchio en a ilesia d'o lugar. Cuan plegan enta la ilesia los pistoleros, la chent d'o lugar fuye d'a ilesia, deixando solos a los colonos y a la muller y la filla d'o pedricadero. Cuan iste s'encara con os pistoleros, el golpeyan y creman a ilesia con as personas que yeran en o suyo interior, incluyius a muller y la filla d'o pedricadero. Iste antes de casar-se con su muller heba estau un pistolero experto, pero su muller li ha inculcau que no ha de buscar venganza, asinas que simplament marcha d'o lugar, encara que s'adedica a eixercer como cazador de recompensas. Tiempo dimpués, mata a uns chirmans buscaus por a chusticia y descubre que qui ha de pagar-li la recompensa ye un "sheriff" vendiu a lo coronel y que iste ye fendo con un atro grupo de colonos lo mesmo que heba feito con l'anterior. Como lo sheriff corrupto el considera un pistolero bien experto, proposa a lo coronel que el contracte, y iste li diz que faga marchar a los colonos. A la vegada, lo pedricadero-pistolero s'ahuespa en casa de Maggie, una muller con una filla que no ye masiau bien vista por a chent d'o lugar. O pedricadero-pistolero prebande convencer a los colonos de que la suya vida ye en periglo, pero istos no li fan caso, en saber que treballa ta lo coronel.
A cinta s'ambienta en bel momento indeterminau d'a segunda metat d'o sieglo XIX en bel puesto tamién indeterminau d'Estaus Unius, y las suyas escenas se filmoron en Agua Dulce y Santa Clarita (California). Localizacions d'Avenging Angel en Internet Movie Database.
Elenco Avenging Angel en Internet Movie Database. Actor Papel Notas ''''
Se veiga tamién Cine en 2007. Cintas de 2007.
Referencias
Vinclos externos Avenging Angel en Internet Movie Database.
Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Joe Kraemer Categoría:Cintas con dirección de fotografía de Maximo Munzi Categoría:Cintas con guión de William Sims Myers Categoría:Cintas con montache de Craig Bassett Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por David S. Cass Sr. Categoría:Cintas en anglés Categoría:Cintas interpretadas por Brad Carter Categoría:Cintas interpretadas por Cynthia Watros Categoría:Cintas interpretadas por Jim Haynie Categoría:Cintas interpretadas por Joey King Categoría:Cintas interpretadas por Kevin Sorbo Categoría:Cintas interpretadas por Nick Chinlund Categoría:Cintas interpretadas por Richard Lee Jackson Categoría:Cintas interpretadas por Wings Hauser Categoría:Cintas producidas por Lincoln Lageson Categoría:Cintas producidas por Randy Pope Categoría:Cintas rodadas en Agua Dulce (California) Categoría:Cintas rodadas en Santa Clarita