A sinoga de Sant Antón d'Íxar ye una antiga sinoga medieval situada en o centro historico d'a localidat teruelana d'Íxar, Baixo Martín. Se troba en o puesto a on sería a chudería d'Íxar. Ermita de San Antón -Antigua Sinagoga- (Híjar). Aragón Mudéjar. En l'actualidat, ista denominación fa referencia a l'actual ermita de Sant Antón abat d'Íxar, edificio que corresponde con l'antiga sinoga d'ista localidat.

Fue construyida en primerías d'o sieglo XV y dimpués d'a expulsión d'os chudieus d'Aragón en 1492 fue transformada en ilesia adedicada a sant Antón abat, conoixiu popularment como sant Antón. A comunidat chudieva d'Íxar contaba en zaguerías de 1481 con 32 familias, alto u baixo 150 personas, antis d'estar forzadas a convertir-se y a posterior expulsión definitiva. Spain: Roof Collapse at Former Synagogue of Híjar. Samuel Gruber's Jewish Art & Monuments, 19 de febrero de 2010.

Antis de 1492, a comunidat chudieva local yera conoixida por os suyos artífex expertos en fabricación de pergamins y encuadernacions. Estioron pioners en a impresión en l'idioma hebreu. Os chudieus ixaranos teneban o suyo propio forno, os suyos carnicers, a suya escuela talmudica y o suyo banyo ritual. La judería de Híjar y su sinagoga. Historias del Bajo Aragón. José Antonio Benavente, 13 de mayo de 2014.

Ista sinoga ye una d'as millor conservadas de Sefarad, chunto con a de Santa María la Blanca de Toledo, a sinoga d'el Tránsito en Toledo, a sinoga de Tomar, a sinoga de Córdoba y as restas arqueolochicas de Lorca (Murcia) y Molina d'Aragón (Guadalachara). Recientment ha estau cualificada entre as 16 antigas sinogas millor conservadas d'Europa. La sinagoga de Híjar está en el top 16 entre los 3.300 templos judíos de toda Europa. Diario de Teruel, 13 de chulio de 2019.

Arquitectura L'actual ilesia de Sant Antón corresponde a la sala d'oración de l'antiga sinoga.<ref> “Tribuna sive theva: estudio preliminar de la sinagoga medieval de Híjar (Teruel)”. A. Hernández Pardos. Rujiar, Miscelánea del Centro de Estudios Hijaranos 17. 2017. Pach. 53-82.</ref> Presenta una planta rectangular d'una sola nau, con una largaria de 14 m, una amplaria de 10 m, en o suyo interior y una altaria maxima de cuasi 11 m. A suya cubierta ye formada por un teito de fusta a dos auguas firmau por tres arcos diafragma de perfil apuntau. O teito ye d'estilo mudéchar sin pintar y se firma sobre dobles cans de perfil tallau, respondendo a o modelo mas emplegau en o reino d'Aragón mientres os sieglos XIV y XV.

En o suyo interior se conservan restas arqueolochicas d'a base d'a Bimah u Tevah con o naixedero de dos escalas d'acceso a la tribuna superior, un arco decorau con cheserías goticas de l'Arón ha-kódesh, una d'as finestras d'o matroneu, asinas como motivos pictoricos: una inscripción en hebreu y una menorá. “La antigua sinagoga de Híjar. Claves de un monumentos excepcional. The old syanagogue of Hijar. Keys to an excepcional monument”. A. Hernández Pardos y J. Franco Calvo. Acrótera, 2019. Toz istos elementos conservaus permiten considerar ista sinoga como un eixemplo excepcional y extraordinario d'o patrimonio chudieu en Espanya y Europa.

L'edificio ye posterior a 1410, cuan l'arcebispe de Zaragoza concedió o permiso pa esviellar l'edificio d'a sinoga d'ista localidat. Enta 1515 fue destinau a ilesia, seguntes deixó encargau o suyo propietario, o duque d'Íxar, en o suyo testamento.

Estudio y protección legal Por orden de 6 de setiembre de 2002, publicada en o BOA de 30 de setiembre de 2002 d'o Departamento de Cultura y Turismo, se declara Bien Catalogau d'o Patrimonio Cultural Aragonés chunto con toda a chudería.

Mientres l'anyo 2017 se facioron treballos arqueolochicos y obras de consolidación de l'edificio financiadas por "Suelo y Vivienda de Aragón", empresa publica d'o Gubierno d'Aragón. A consecuencia d'ista actuación, se producioron as primeras troballas perteneixients a la sinoga medieval, Aparecen en Híjar vestigios judíos de relevancia internacional. La Comarca, 13 de marzo de 2017. y se consiguió consolidar a estructura de l'edificio d'orichen medieval. La sinagoga de Híjar, libre de peligro de derrumbe. La Comarca, 2 de chinero de 2018 En 2018 se facioron prospeccions en as parez pa mirar de trobar elementos decorativos.

Como consecuencia d'as troballas arqueolochicas feitas en 2017, en marzo de 2018 Declarada BIC la Iglesia de San Antonio Abad de Híjar. Heraldo de Aragón, 6 de marzo de 2018. o Gubierno d'Aragón declaró ista ilesia/antiga sinoga como Bien d'Intrés Cultural d'o patrimonio cultural aragonés (Boletín Oficial de Aragón n.º 51 de 2018). En 2025, dimpués de 15 anyos de treballos, se rematoron as obras en iste molimento y s'ubrió a o publico. El público respalda la apertura de la sinagoga de Híjar 15 años después. Diario de Teruel, 8 de marzo de 2025.

Referencias

Bibliografía “Estudio arqueológico en la iglesia de San Antón (y antigua sinagoga) de Híjar (Teruel)”. A. Hernández Pardos y J. Franco Calvo. Congreso Nacional de Arqueología Profesional'', 2018. Pach. 247-256.

Categoría:Arquitectura mudéchar en Aragón Categoría:Biens d'Intrés Cultural d'o Baixo Martín Anton d'Íxar Anton d'Íxar Anton d'Íxar Categoría:Ermitas d'Aragón adedicadas a sant Antón abat Categoría:Molimentos d'Íxar Categoría:Sinogas d'Aragón