Los Angeles (Los Angeles u LA en abreviadura en anglés; en aragonés sería Os Ánchels) ye una ciudat d'os Estaus Unius situada en o estato de California, en a costa de l'oceano Pacifico y a bels 150 kilometros a lo norte d'a muga con Mexico. Ye a capital d'o condau de Los Angeles.
A suya población ye de 3.957.875 d'habitants en una superficie de 1.290,60 km², con una densidat de población de 3.041,30 hab/km². Por o suyo numero de habitants, Los Angeles ye a segunda ciudat mas gran en os Estaus Unius dimpués de Nueva York. En a suya aria metropolitana viven bels 16 millions de personas. Respective d'a superficie que ocupa, ye a primera ciudat de Norteamerica y una d'as mayors d'o mundo. L'amplaria dende a suya estrimera norte dica la suya estrimera sud ye de bels 100 kilometros.
En a ciudat se troban cuantos puestos famosos. O mas conoixiu ye o barrio de Hollywood, centro d'a industria d'o cine en os Estaus Unius. Antiparte, ye una ciudat olimpica, en estar a seu d'os Chuegos Olimpicos de Los Angeles de 1932 y d'os Chuegos Olimpicos de Los Angeles de 1984. Conta con l'aeropuerto internacional de Los Angeles.
Orichen etimolochico thumb|left|290px|Observatorio Griffith y skyline de Los Angeles. En 1769, Gaspar de Portolá desembarcó en California, en os cantos d'un río que clamó Nuestra Señora Reina de los Ángeles (Nuestra Sinyora Reina d'os Ánchels en aragonés). A ciudat que se establió poco dimpués en ixe mesmo puesto adoptó parti d'ixe nombre y se clamó El Pueblo de Nuestra Señora la Reina de los Ángeles de Porciúncula (O Lugar de A nuestra Sinyora la Reina d'os Ánchels de Porciúncula en aragonés) nombre que dimpués se simplificó por o de El Pueblo de la Reina de los Ángeles (O Lugar d'a Reina d'os Ánchels en aragonés) d'o que procede l'actual.
Cheografía A ciudat de Los Angeles se troba situata a o canto de l'oceano Pacifico, estando a livel d'a mar.
Historia
La zona de costa de l'actual Los Angeles estió habitada d'antis d'a plegada d'os primers europeus por tribus amerindias como los tongva, los chumash. Los primers europeus que plegoron a lo lugar en 1542, lideraus por Juan Rodríguez Cabrillo, un explorador espanyol que reclamó l'aria como Ciudat de Dios en nombre d'a Corona de Castiella, pero continó lo suyo viache sin asentar-se en o puesto. L'aria de Los Angeles, igual que tot lo estau de California, estió incluyida a meyaus d'o sieglo XVI en o virreinau de Nueva Espanya. Lo 2 d'agosto de 1769, Gaspar de Portolá y lo misionero franciscano Juan Crespí plegoron a lo puesto an actualment se troba la ciudat. Crespí notificó que lo puesto presentaba un gran potencial como lugar d'asentamiento. Dos anyos dimpués, en 1771, unatro fraile franciscano, Junípero Serra, ordenó construyir la Misión Santo Gabriel Arcángel, lo que hue se conoixe como Val de Santo Gabriel. En 1777, lo nuevo gubernador de California, Felipe de Neve, recomendó a lo virrey de Nueva Espanya que lo puesto anteriorment recomendau per Juan Crespí estase nombrau pueblo. La ciudat estió fundada lo 4 de setiembre de 1781 per un grupo de 44 personas, espanyols amerindios y atros d'orichen africano, con o nombre de "El Pueblo de Nuestra Señora la Reina de los Ángeles de Porciúncula".
Esporte Competicions esportivas Los Angeles a estau seu d'os Chuegos Olimpicos de 1932 y d'os Chuegos Olimpicos de 1984, y estará tamién seu d'os Chuegos Olimpicos de 2028.
Administración Alcaldes Lista d'alcaldes Lechislatura Nombre Partiu politico1941–1945 Fletcher Bowron Partiu Democrata1945–1949 Fletcher Bowron Partiu Democrata1949–1953 Fletcher Bowron Partiu Democrata1953–1957 C. Norris Poulson Partiu Republicano1957–1961 C. Norris Poulson Partiu Republicano1961–1965 Samuel W. Yorty Partiu Democrata1965–1969 Samuel W. Yorty Partiu Democrata1969–1973 Samuel W. Yorty Partiu Democrata1973–1977 Tom Bradley Partiu Democrata1977–1981 Tom Bradley Partiu Democrata1981–1985 Tom Bradley Partiu Democrata1985–1989 Tom Bradley Partiu Democrata1989–1993 Tom Bradley Partiu Democrata1993–1997 Richard J. Riordan Partiu Republicano1997–2001 Richard J. Riordan Partiu Republicano2001–2005 James K. Hahn Partiu Democrata2005–2009 Antonio Villaraigosa Partiu Democrata2009–2013 Antonio Villaraigosa Partiu Democrata2013–Presente Eric Garcetti Partiu Democrata
Barrios Arleta Brentwood Heights Bel Air Canoga Park Chatsworth Encino Granada Hills Hancock Park Hollywood Koreatown Mission Hills North Hills North Hollywood Northridge Olive View Pacific Palisades Playa del Rey Porter Ranch Reseda San Pedro Sepulveda Sherman Oaks Silverlake Studio City Sunland Sun Valley Sylmar Tarzana Tujunga Van Nuys Venice Watts West Hills Westchester Wilmington Winnetka Woodland Hills
Cultura Cine Beyond Festival, un festival cinematografico adedicau a lo cine de terror, o cine de ciencia-ficción, cine de fantasía y similars. Festival de Cine de Catalina (Catalina Film Festival), en o barrio de Sherman Oaks. Screamfest Horror Film Festival, un festival cinematografico adedicau a lo cine de terror.
Transporte Aeropuertos Aeropuerto Internacional de Los Angeles, inaugurau en 1928. Aeropuerto de Van Nuys, inaugurau en 1928.
Localidaz achirmanadas 22px|border Berlín (Alemanya), dende 1967. border|22px Manchester (Reino Uniu).
Vinclos externos
Pachina web oficial municipal de Los Angeles.
*