Yahyá ibn Mundir al-Tuchibí al-Muzaffar (en arabe حي بن المنذر المظفر) estió rei d'a taifa de Zaragoza de 1021 u 1022 a 1035 u 1036.
No bi ha muitos datos sobre a vida de Yahya al-Muzaffar. Nomás se puet afirmar que continó a politica de su pai, Mundir I, de consolidación d'o reino independient de Zaragoza y de protección d'as artes y as letras. Miró de tener buenas relacions con a poderosa taifa de Toledo, y debito a ixo se casó con a chermana d'Ismail ibn Di-l-Nun, d'a on naixió o suyo hereu Mundir II.
Yahya continó luitando contra Sancho o Gran, rei de Pamplona, y contra os suyos fillos García de Pamplona y Remiro I d'Aragón. Encetó tamién campanyas u razzias en a ribera alta de l'Ebro, como la que le lebó a allerar Nájera obteniendo presoners y un important botín.
Fuents CERVERA FRAS, M ª José, El reino de Saraqusta, Zaragoza, CAI, 1999. ISBN 8488305931 CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 8480691557 MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 8486794978 VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 8486778069 VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 8488305273
Categoría:Reis d'a Taifa de Saraqusta