Espuéndolas ye un lugar aragonés en o termin municipal de Chaca, comarca de Chacetania y partiu chudicial de Chaca, en a provincia de Uesca. A suya población ye de 24 habitants.
Toponimia Ye un derivato d'o latín SPONDULA, con diminutivo -ULA dezaga d'a palabra latina Sponda, palabra que en aragonés ha dau espuenda, espuenna (en belsetán, y documentau tamién como elemento en romance aragonés en textos latinos), espuena (en aragonés chistabín y aragonés benasqués) y que significa "pendient entre dos faixas", "materials en pendient que deixa un lurte", "marguin de ribazo, campo u canal". Esta palabra ye relacionada tamién con l'apelliu Esponera bien conoixiu en Íxar.
O nombre ye amanau a lo nombre d'o despoblato d'Espula, en o río Galligo, amán de Sardás.
Cheografía Amán d'Espuéndolas bi ha afloramientos de flysch a on se fan coladas de bardo y piedras.Fernando Biarge, José María García Ruiz y Ana Biarge: Roca viva. El modelado del paisaje pirenaico. Deputación Provincial de Uesca, 2001.
Historia Seguntes Agustín Ubieto Arteta, a primer cita documentada d'o lugar ye en 1020/1030, en a obra d'Antonio Ubieto Arteta Cartulario de San Juan de la Peña, I, en Textos Medievales, 6, Valencia 1962, y se documentan os nombres de Espuanduras, Espueuolas, Espuda, Spondelas, Sponolas y Spondras. Agustín Ubieto Arteta: Toponimia aragonesa medieval, Valencia 1972, pachina 91.
Molimentos Ilesia d'os Santos Chusto y Pastor d'Espuéndolas, una ilesia d'o sieglo XVIII adedicada a los Santos Chusto y Pastor. Ye la ilesia parroquial d'o lugar.
Referencias
Categoría:Lugars d'a provincia de Uesca Categoría:Lugars de Chaca Categoría:Localidaz d'a diocesi de Chaca en a Chacetania