Benedicta Sánchez Vila ye una fotógrafa y actriz española.
Biografía Casó con 17 años y emigró a Brasil col so home. Ellí trabayó nun chigre, como llibrera na llibrería Francisco Laissue de Rio de Janeiro y tamién como fotógrafa per 15 años, oficiu qu'abandonó en 1979. Con 17 años convirtióse en vexetariana nuna dómina na que nun yera frecuente faelo.
Carrera como actriz En 2019 debutó como actriz con un papel protagonista na película O que arde d'Óliver Laxe. El filme que ganó nel Festival de Cannes el Premiu del Xuráu de la sección Un certain regard.
En 2020, con 84 años, ganó'l premiu Goya a la Meyor Actriz Revelación. Foi l'actriz de mayor edá en consiguir el galardón cinematográficu nesta categoría, siendo la segunda de mayor edá nes categoríes d'intérpretes femenines solo superada por Julieta Serrano, que llogró'l so primer premiu Goya a la edá de 87 años na mesma edición.
Collaboraciones Foi la pregonera de la 45 edición de la fiesta del quesu d'Arzúa, na provincia d'A Coruña. También fue la encargada de dar las campanadas de 2020 para la TVG.En 2020 foi la protagonista d'una campaña publicitaria de la marca de moda Adolfo Domínguez y de la campaña Galicia volve creada pola Xunta de Galicia pa impulsar el turismu na rexón depués de la crisis de la COVID-19.
Reconocencies En 2019, recibió la Medaya Castelao, una reconocencia apurrida pola Xunta de Galicia y que na edición de 2019 foi la primer ocasión en que toles premiaes yeren muyeres. Ente elles taben la piragüista María Teresa Portela Rivas, la cardióloga y profesora Marisa Crespo Garrido, la delegada en Galicia de Stop Accidentes Jeanne Piccard y la Federación de Redeiras Artesás de Galicia O Peirao. Esi mesmu añu, foi una de les nomaes a la medaya del CEC a la meyor actriz secundaria, galardón que finalmente recibió Greta Fernández. Amás, esi mesmu añu anuncióse que'l centru de día d'O Corgo, la llocalidá gallega na que mora Benedicta Sánchez, recibiría'l so nome nel so honor.
En 2020, foi nomada comendadora del cocíu de Lalín. Mientres la 52ª edición de la Feria del cocíu de Lalín, una celebración reconocida como Fiesta d'Interés Turísticu Internacional, amás de Sánchez fueron nomaos comendadores Yosi Domínguez, el líder de la banda de rock española Los Suaves y l'alcalde de Madrid, José Luis Martínez-Almeida, ente otros. En febreru de 2020 la Diputación Provincial de Llugo reconoció el so trabayu nun homenaxe na Sala d'Esposiciones del Palaciu de San Marcos.
En 2021, foi reconocida na XXXI edición de los Premios Gallegos del Añu apurríos por El Corréu Gallego.
Referencies
Enllaces esternos
Categoría:Actores y actrices de cine d'España Categoría:Persones de la provincia de Lugo Categoría:Vexetarianos