El Giro d'Italia 2025 foi la 108ª edición del Giro d'Italia, una carrera ciclista per etapes de tres selmanes perteneciente a les Grandes Vueltes. La prueba entamó'l 9 de mayu en Durrës, Albania, y terminó'l 1 de xunu en Roma. El percorríu incluyó dos etapes de contrarreló individual y tres etapes de más de 200km.
La clasificación xeneral ganóla'l corredor británicu Simon Yates del Team Visma–Lease a Bike, que completó la carrera en 82h 31' 01" a una velocidá media de 41,73 km/h, llogrando la so primer victoria nel Giro. Yates vistió per primer vegada'l maillot rosa na penúltima etapa tres aventayar al corredor mexicanu Isaac del Toro (UAE Team Emirates) nel Colle delle Finestre, dempués de qu'esti tuviera liderando la carrera dende la etapa 9; del Toro caltuvo la segunda posición na xeneral y ganó la clasificación de corredores mozos, amás de la etapa 17. El corredor ecuatorianu Richard Carapaz (EF Education–EasyPost), antiguu ganador del Giro, terminó terceru na clasificación xeneral.
Mads Pedersen (Lidl–Trek) ganó cuatro etapes y la clasificación por puntos. Lorenzo Fortunato (XDS Astana Team) ganó la clasificación del monte y el premiu a la combatividá xeneral.
Equipos participantes
Participaron ventitrés equipos na carrera. Los 18 UCI WorldTeams fueron invitaos automáticamente. A ellos xuniéronse cinco UCI ProTeams: unu de los dos equipos meyor clasificaos na clasificación UCI ProTeam de 2024 (Israel–Premier Tech) y otros cuatro escoyíos por RCS Sport, los organizadores del Giro.
Les normes de la Unión Ciclista Internacional (UCI) permiten la participación de ventidós equipos nuna Gran Vuelta: los 18 UCI WorldTeams, los dos meyores UCI ProTeams de la temporada anterior y dos equipos invitaos polos organizadores. Los organizadores de les Grandes Vueltas, ASO y RCS Sport, solicitaron a la UCI permitir un equipu adicional por invitación tres les presiones d'equipos pequeños que competíen poles places de comodín.
Dellos equipos grandes nun sofitaron la propuesta, como Visma–Lease a Bike, que señaló qu'un equipu más podría perxudicar la seguridá.
En marzu de 2025, la UCI anunció que se permitiría la participación de ventitrés equipos, lo que permitió invitar a un ProTeam adicional. RCS Sport anunció los equipos el 31 de marzu de 2025.
Percorríu
Clasificaciones finales
Clasificación xeneral ()
Clasificación por puntos (maglia ciclamino)
Clasificación del monte ()
Clasificación de los esprinos (metes volantes)
Clasificación de los mozos ()
Clasificación por equipos
Evolución de les clasificaciones
Ciclistes participantes y posiciones finales
Convenciones: AB-N: Abandonu na etapa "N" FLT-N: Retiru por llegar fuera de la llende de tiempu na etapa "N" NTS-N: Nun tomó la salida de la etapa "N" DES-N: Descalificáu o espulsáu na etapa "N"
Ver tamién Giro d'Italia Femenín 2025 Tour de Francia 2025 Vuelta a España 2025 Vuelta a Asturies 2025
Referencies
Enllaces esternos
2025 Categoría:Ciclismu en 2025