Tratáu de París (1763)

El tratáu de París (1763), tamién conocíu como tratáu de 1763, ye un alcuerdu diplomáticu firmáu el 10 de febreru de 1763 por los reinos de Gran Bretaña, Francia y España, con la conformidá de Portugal, tres de la victoria de Gran Bretaña y Prusia sobre España y Francia na Guerra de los Siete Años.

La firma del tratáu supunxo'l final del conflictu qu'enfrentó a Francia y Gran Bretaña pol control d'América del Norte, y marcó l'aniciu de la dómina del dominiu británicu nel territoriu extraeuropéu. Gran Bretaña y Francia devolviéronse una a la otra munchos de los territorios que conquistaran demientres la guerra, pero Gran Bretaña consiguió facese cola mayoría de les posesiones franceses n'América del Norte. Comprometiose, amás, a no buscar el desaniciu del catolicismu nel continente americanu. El tratáu nun incluyó a Prusia y Austria, que firmaron un alcuerdu aparte, el tratáu de Hubertusburgu, cinco díes dempués.

Intercambiu territorial miniaturadeimagen|500x500px|Mapa d'América del Norte, qu'inclúi lo acordao nes cláusules del tratáu de París. Demientres la guerra, Gran Bretaña conquistara: las colonias francesas de Canadá, Guadalupe, Santa Llucía, Martinica, Dominica, Granada, San Vicente y les Granadines, y Tobagu; los puestos comerciales franceses na India, incluyendo Chandernagor y Puducherry; el puertu esclavista de la islla de Gorea, en frente de Dakar, y los asentamientos franceses de la contorna del ríu Senegal; y les colonies españoles de Manila (nes Filipines) y L'Habana (en Cuba). Francia, pela so banda, ocupara Menorca y los puestos comerciales británicos en Sumatra; y España, la fortaleza d'Almeida, en Portugal, y la Colonia del Sacramento n'América del Sur.

El tratáu devolvió la mayoría de los territorios a los sos propietarios orixinales, pero consintióse-y a Gran Bretaña caltener grandes fasteres de territoriu. Francia y España devolvieron tolos territorios conquistaos a Gran Bretaña, que a cambiu devolvió Manila y L'Habana a España, y Guadalupe, Martinica, Santa Llucía, la islla de Gorea y les factoríes indies a Francia. Francia, sicasí, tuvo que reconocer la soberanía británica sobre Canadá, Dominica, Granada, San Vicente y les Granadines, y Tobagu"Su Mui Cristiana Maxestá cede y garantiza a la Británica Maxestá, con tolos derechos, Canadá con toes les sos dependencies, amás de la islla del cabu Bretón y toes les otres islles y costes del golfu ya'l ríu de San Llorienzo, y en xeneral tolo que dependa de los citaos países, tierres, islles y costes, con la soberanía, propiedá, posesión y tolos derechos, alquiríos mediante trataos o de cualisquier otra forma, que el Mui Cristianu Rei y la Corona de Francia tuvieran hasta güei sobre los citaos países, tierres, islles, llugares y costes, y los sos habitantes" – Artículu IV del vínculo=|alt=|13x13px Treaty of Paris (1763) en Wikisource. Tamién tuvo que ceder la metá oriental de la Louisiana Francesa, esto ye, el territoriu asitiáu ente'l ríu Mississippi y los montes Apalaches"...se acuerda que... los confines ente los dominios de su Británica Maxestá y los de su Más Cristiana Maxestá, nesa parte del mundu, marcaranse irrevocablemente per aciu d'una llínia dibuxada a lo llargo del mediu del calce del ríu Mississippi, dende'l so nacimientu hasta'l ríu Iberville, y dende ahí por una llínia que percuerra la metá d'esi ríu y de los llagos Maurepas y Pontchartrain hasta el mar. Y, con esti propósitu, el Mui Cristianu Rei cede en tou derechu, y garantiza a so Británica Maxestá, el ríu y puertu de Mobile, y toes les sos posesiones, y los derechos de posesión, na oriella izquierda del ríu Mississippi, sacante la ciudá de Nueva Orleans y la islla na que s'asitia, que han siguir siendo francesas" – Artículu VII of the vínculo=|alt=|13x13px Treaty of Paris (1763) en Wikisource, a Gran Bretaña. Francia yá cediera secretamente la Louisiana a España trés meses enantes, pol tratáu de Fontainebleau, pero España nun tomará posesión d'ella hasta 1769.

España cedió la Florida a Gran Bretaña. Y, magar que recuperó les sos factoríes na India, Francia hebo de reconocer a príncipes afines a los ingleses como dirixentes d'estaos clave del socontinente, y renunciar a unviar soldaos a Bengala. Gran Bretaña comprometiose a demoler les sos fortificaciones na Hondures Británica (anguaño Belize), pero caltuvo derechos d'esplotación de la madera de la colonia. Y confirmó, finalmente, el derechu de los sos nuevos súbditos a practicar el catolicismu.

Francia nun caltuvo más territorios n'América del Norte que dos pequeñes islles na costa atlántica canadiana, Saint Pierre y Miquelon. Conservó los derechos de pesca nes agües de Terranova, y la posesión d'estes dos islles pa que los pescadores pudieran secar nelles el pescáu que capturaran. Y tamién recuperó la so colonia azucarera de Guadalupe, considerada d'aquella más valiosa que Canadá: Voltaire despreciara públicamente la colonia d'Acadia, que nun yera pa elli más que unos pocos acres de nieve (quelques arpents de neige).

La cuestión de la Louisiana El tratáu de París favoreció la tresferencia de la Louisiana de Francia a España. El alcuerdu, magar que fora formalizáu primeru, nel tratáu de Fontainebleau (1762), nun foi fechu públicu hasta 1764. El tratáu de París formalizó la tresferencia de los territorios asitiaos al este del Mississippi a Gran Bretaña, incluyendo Baton Rouge, que pasaría a incorporase al terriitoriu británicu de Florida occidental, pero non Nueva Orleans, que seguiría siendo francesa por un tiempu. El procesu de tresferencia de soberanía a los Estaos Xuníos nesti territoriu completarase cola Compra de Luisiana (1803) y el tratáu d'Adams-Onís (1819).

La cuestión de Canadá La guerra, magar que se desarrolló a lo llargo de tol mundu, entamáronla los británicos col envís de quitá-y a Francia les sos posesiones n'América del NorteMonod, 2009, pp. 197-98.. Tres d'un llargu debate sobre los méritos relativos de Guadalupe, que producía añalmente azúcar por valor de seis millones de libras, y Canadá, que xeneraba abondo más gastu que beneficiu, Gran Bretaña decidió, por razones estratéxiques, quedase con Canadá y devolver Guadalupe a FranciaCalloway, 2006, p. 8.. Amás, magar que la Corona británica taba preocupada por tener tantos súbditos católicos, Gran Bretaña nun quería ganase la enemistá de Francia al traviés d'una espulsión o una conversión forzada de los católicos, ni tampoco provocar una fuga de colonos franceses, que podríen reforzar otros asentamientos franceses n'América del Norte, de CanadáCalloway, 2006, p. 113-14.. La guerra debilitara a Francia, pero esta seguía siendo una potencia, y el primer ministru británicu Lord Bute quería consiguir una paz que nun forciara a Francia a entamar una nueva guerraGough, 1992, p. 95.. Por embargu, el ministru d'esteriores francés, el duque de Choiseul, esperaba qu'hobiera una nueva guerra, pero sabía que Francia necesitaba primero la paz pa poder reconstruyise. Francia prefería conservar les sos rentables colonies caribeñes antes que Canadá, perestensu y poco pobláu, y que representaba una carga financiera pal presupuestu del país.

La cuestión de Dunkerque Una cuestión importante demientres les negociaciones pa la firma del tratáu foi cómo habíen de ser les fortificaciones del asentamientu costeru francés de Dunkerque. Los británicos temíen, dende tiempu atrás, que fora usada como ponte pa una posible invasión francesa de Gran Bretaña. Los británicos impusieran, nel tratáu d'Utrecht (1713), condiciones perestrictes de cómo habíen ser eses fortificaciones. Pero, pol tratáu d'Aquisgrán (1748), Francia consiguió llevantar dalgunes d'eses restriccionesDull, 2005, p.5., y de resultes reforzó enforma les defenses de la ciudá. El tratáu de París obligó a Francia a aceptar les condiciones de 1713 y, poro, a demoler les defenses construyíes de magarDull, 2005, pp. 194–243.. Esti asuntu sería fonte continua de resentimientu pa Francia, que consiguió volver a dar la vuelta al alcuerdu nel tratáu de París de 1783, que punxo fin a la guerra d'independencia de los Estaos Xuníos.

Reacciones al tratáu Cuando Lord Bute foi nombráu primer ministru británicu en 1762, fizo fuerza pa conseguir acabar la guerra con España y Francia, porque tenía mieu de que Gran Bretaña nun pudiera gobernar la bayura de nuevos territorios que taba ganando na guerra. No que posteriormente Winston Churchill definiría como una política d'apaciguamientu, Bute devolvió-yos a Francia y España, nes negociaciones del tratáu, delles colonies. Pesie al deséu de paz, munchos nel parllamentu británicu oponíense a devolver dengún territoriu conquistáu militarmente. Ente los opositores rescamplaba la figura del anterior primer ministru, William Pitt el Vieyu, qu'avisaba de que los términos del tratáu provocaríen una nueva guerra una y bones Francia y España tuvieran tiempu de reconstruyir los sos exércitos, y que diría dempués que "la paz yera insegura porque permitió a los enemigos recuperar la so antigua grandeza, y yera inadecuada porque los territorios ganaos nun yeren equivalentes en valía a los que se devolvieron". Sicasí, la votación parllamentaria p'aprobar el tratáu ganola'l primer ministru por 319 votos escontra 65.

Nes Trece Colonies, pela so banda, los colonos protestantes taben descontentos cola tolerancia que'l tratáu garantizaba a los católicosMonod. 2009, p. 201.. Los colonos americanos que se movieran a Québec, amás, taben tamién descontentos col fechu de que se tuviera conservao la llei francesa nos tribunales de menor nivel, y de que se permitiera que los católicos formaran parte de los xuraos. Dalgunos autores consideren qu'esti descontentu, xunto cola Proclamación Real de 1763, que prohibía l'asentamientu de colonos nes tierres recién conquistaes a Francia asitiaes al oeste de los Apalaches, pudieren tener contribuyío al españíu de la Revolución Americana.

Consecuencias nel Canadá francés miniaturadeimagen|Mapa que'amuesa les ganancies territoriales britániques derivaes del tratáu de París (en rosa) y les ganancies territoriales españoles derivaes de les cláusules del tratáu de Fontainebleau (en mariellu).|375x375px El tratáu permitía la emigración, ensin restricciones, de los francocanadianos per 18 meses. Sicasí, l'altu preciu del viaxe a Europa, ente otros factores, influyó en que la mayoría nun lo ficieran: de los 1.600 emigraos de la Nueva Francia nos 18 meses posteriores a la firma del tratáu, namái 270 yeren francocanadianosCalloway, 2006, p. 114.. D'otra banda, l'artículu IV del tratáu permitía la práctica del catolicismu en Canadá. Nesos años, les lleis britániques (Test Act de 1673 y 1678) prohibíen a los católicos británicos servir na alministración, l'exércitu y el poder xudicialConklin, 1979, p. 34., pero estes lleis aplicáronse de forma más relaxada en Québec. Allí, magar que les posiciones cimeres de l'alministración y el gobiernu taben reservaes a los anglicanos, los católicos podíen tener accesu a les citaes estayes de l'alministración.