Andrej Bajuk , tamién conocíu como Andrés Bajuk, foi un políticu y economista eslovenu.
Biografía La familia de Bajuk (al igual que'l so padre y el so güelo) trabayó duru pa llograr la educación en llingua eslovena. Mientres la Segunda Guerra Mundial, cuando Eslovenia taba ocupada pola Italia fascista y l'Alemaña nazi, de cultiu recibíen a oficiales italianos y depués alemanes d'altu rangu nes xintes de los domingos.
A empiezos de 1945 la so familia abandonó Eslovenia quedando con una grave depresión foi internáu nuna clínica debíu'l ascensu del partíu comunista de Josip Broz Tito, p'abelugase n'Austria mientres tres años, depués emigraríen a Arxentina onde s'establecieron en Mendoza, llugar nel que creció, estudió y formó una familia.
En 1964 Bajuk graduóse en contable de finances públiques na Universidá Nacional de Cuyo, y un añu más tarde llogró un máster nun programa d'estudios conxuntu d'esti centru y l'Universidá de Chicago, n'ese mesmu periodu llogra el Doctoráu de Filosofía otorgáu pola Universidá de California. Torna a Mendoza onde empieza a dar cátedra na Universidá, pero depués viaxaría a Washington D. C. onde trabayaría pal Bancu Mundial mientres un añu pa dempués desenvolver les sos xeres nel Bancu Interamericanu de Desarrollu ("Inter-American Development Bank") llugar nel que desempeñóse per munchos años, mientres la so xestión foi l'economista responsable d'analizar los proyectos sociales que l'institución entamaba, asesor executivu de la Presidencia y miembru del Directoriu Executivu del Bancu.
En 1999 Bajuk torna a Eslovenia onde consigue la nacionalidá eslovena y un añu más tarde por aciu un acuerdu col partíu Demócrates Cristianos Eslovenos ("Slovenski krščanski demokrati") y el Partíu Demócraticu Eslovenu ("Slovenska demokratska stranka"), asume la coordinación del conseyu d'espertos de la Coalición Eslovenia.
El 3 de mayu de 2000, Andrej Bajuk asume como primer ministru hasta el 16 de payares d'ese mesmu añu. En xunetu de 2000 la coalición de Demócrates Cristianos Eslovenos y Partíu Demócraticu Eslovenu (contrariamente a la postura política anteriormente reconocida) votó a favor d'un movimientu parllamentariu que promulgaría d'una forma proporcional el sistema electoral. Esto condució al primer ministru Bajuk a dexar la coalición de Demócrates Cristianos Eslovenos y Partíu Demócraticu Eslovenu y en agostu de 2000, él y los sos partidarios fundaron un nuevu partíu llamáu Nueva Eslovenia ("Nova Slovenija"). El 15 d'ochobre presentase nes elecciones pa enllargar el so gobiernu pero nun llogró ésitu y al terminar el so mandatu dexa el poder al anterior primer ministru Janez Drnovšek.
Morrió d'un derrame cerebral mientres asistía a misa na Basílica de Llubliana. La Universidá Nacional de Cuyo, onde exerció la docencia, otorgó-y póstumamente un doctoráu honoris causa.
Bibliografía
Referencies
Enllaces esternos
Categoría:Primeros ministros d'Eslovenia Categoría:Economistes d'Europa Categoría:Persones de Liubliana