Peter Pettigrew, conocíu tamién como Wormtail, ye un personaxe ficticiu de la serie Harry Potter, creada por J. K. Rowling. Foi compañeru de James Potter, Sirius Black y Remus Lupin en Hogwarts, onde los cuatro formaron el grupu de los Merodeadores.
Pettigrew ye un animagu capaz de convertise nuna rata. Durante la primer guerra contra Lord Voldemort entra na Orde del Fénix, pero conviértese secretamente n'informador de Voldemort. James y Lily Potter confíen-y la protección máxica de la so ubicación y Pettigrew revela'l secretu al enemigu.
Tres la muerte de los Potter, Pettigrew simula la so propia muerte y fai que Sirius Black seya consideráu responsable de la traición y de la muerte de doce muggles. Durante doce años vive tresformáu na rata Scabbers, mascota de la familia Weasley.J. K. Rowling, Harry Potter and the Prisoner of Azkaban, Bloomsbury, 1999.
Tres ser descubiertu, escapa y ayuda a Voldemort a recuperar un cuerpu físicu en Harry Potter and the Goblet of Fire. En Harry Potter and the Deathly Hallows, duda cuando tien la oportunidá de matar a Harry y la mano máxica que Voldemort-y concediera vuélvese contra él y acaba cola so vida.J. K. Rowling, Harry Potter and the Deathly Hallows, Bloomsbury, 2007.
Na serie cinematográfica foi interpretáu por Timothy Spall.
Referencies
Enllaces esternos
Categoría:Personaxes de Harry Potter