Kim Eun-jae (김은재), conocida profesionalmente como Ejae (이재), , ye una cantante, compositora y productora musical surcoreana y d'Estaos Xuníos. Tres una llarga trayectoria como compositora de K-pop, algamó reconocencia internacional en 2025 como la voz cantada de Rumi, protagonista de la película d'animación KPop Demon Hunters, y como una de les autores de la canción Golden.Get To Know EJAE, The 'KPop Demon Hunters' Singer & Songwriter, Recording Academy, 2 de setiembre de 2025.
Nacida en Seúl, pasó parte de la infancia en Nueva Jersey antes de volver a Corea del Sur. A los once años empezó a formase como aspirante a ídolu coreanu en SM Entertainment, onde permaneció alredor d'una década, pero nun llegó a debutar como integrante d'un grupu nin como solista. Posteriormente estudió na Tisch School of the Arts de la Universidá de Nueva York y orientó la so carrera hacia la composición y producción musical. En 2017 participó nun campamentu de composición de SM Entertainment nel que creó una primer versión de Psycho, publicada por Red Velvet en 2019. Tamién escribió o produció canciones pa artistes como Aespa, Twice, Le Sserafim y NMIXX.
EJAE incorporóse al desenvolvimientu musical de KPop Demon Hunters nes primeres fases del proyectu y participó na creación de les demos que sirvieron pa definir la identidá musical de la película. Amás de componer, grabó les voces provisionales de distintos personaxes y acabó siendo escoyida como voz cantante de Rumi, personaxe interpretáu nos diálogos por Arden Cho. Xunto con Audrey Nuna y Rei Ami interpretó les canciones del grupu ficticiu Huntr/x, incluyendo How It's Done y Golden.KPop Demon Hunters "Golden": The Real Story of the Grammy-Winning Smash Hit, Netflix Tudum. Golden convirtióse nun ésitu internacional y llegó al númberu unu del Billboard Hot 100.
En 2026 Golden ganó'l Premiu Grammy a la meyor canción escrita pa medios visuales, siendo EJAE una de les sos autores; la canción recibió tamién candidatures a canción del añu y meyor interpretación pop de dúu o grupu.EJAE - Grammy Awards and Nominations, Recording Academy. Esi mesmu añu ganó'l Globu d'Oru a la meyor canción orixinal y el Óscar a la meyor canción orixinal, concedíu a EJAE y los otros compositores de Golden.The 98th Academy Awards, Academy of Motion Picture Arts and Sciences, 15 de marzu de 2026. Tres l'ésitu de la película empezó tamién una carrera como solista, estrenando'l sencillu In Another World n'ochobre de 2025.
Referencies
Enllaces esternos
Categoría:Cantantes de Corea del Sur Categoría:Compositores de Corea del Sur Categoría:Productores discográficos de Corea del Sur Categoría:Cantantes d'Estaos Xuníos Categoría:Compositores d'Estaos Xuníos Categoría:Ganadores del Premiu Grammy Categoría:Ganadores del Premiu Óscar a la meyor canción orixinal Categoría:Nacíos en Seúl