Juan Pablo Colinas Ferreras , más conocíu como Juan Pablo ye un ex-futbolista español que xugaba de porteru. Na temporada 2022-2023 formó parte del cuadru téunicu del Real Sporting de Xixón, faciendo d'entrenador de porteros, hasta que dexó'l cargu en xineru de 2023.
Trayeutoria Formáu nes categoríes inferiores de la Cultural Llionesa, darréu fichó pol filial del Deportivo Alavés. La temporada 2002-03 foi'l suplente de Richard Dutruel nel primer equipu, anque tuvo la oportunidá d'apostar cinco partíos en Primer División. El so debú na máxima categoría foi'l 22 de setiembre de 2002, ante'l Villarreal CF.
Militó nel Alavés dos temporaes más, en Segunda División, y como porteru suplente. A pesar del ascensu la temporada 2006-07, abandonó'l club vitoriano y siguió en Segunda en roblando pol CD Numancia. Nel club de Soria xugó dos temporaes como porteru titular.
En rematando si contratu, fichó pol CD Tenerife el branu de 2007. Nel club chicharreru empezó la temporada como titular, anque nel trechu final foi apostráu al banquín por Raúl Navas. Ante esta situación, rescindió l'añu de contratu que tenía pendiente col Tenerife y aceptó una ufierta pa tornar al CD Numancia, acabante xubir a Primer División.
En 2009 el porteru robla por trés temporaes pol Real Sporting de Xixón en desvenceyándose del CD Numancia. El Real Sporting va pagar ente 300.000 y 600.000 euros al Numancia pol so trespasu que llega cola función d'engarra-y el puestu al porteru titular Iván Cuéllar.
Clubes ClubPaísañuDeportivo Alavés BEspaña2000-2002Deportivo AlavésEspaña2002-2005CD NumanciaEspaña2005-2007CD TenerifeEspaña2007-2008CD NumanciaEspaña2008-2009Real Sporting de XixónEspaña2009-2013Maccabi Tel Aviv F. C.Israel2013-2015C. D. Numancia de SoriaEspaña2016AEK LarnacaChipre2017-2018
Referencies
Enllaces esternos
Categoría:Futbolistes de Castiella y Lleón Categoría:Porteros de fútbol Categoría:Persones de Lleón