2 Sextantis (2 Sex / HD 83425)2 Sex -- High proper-motion Star (SIMBAD) ye una estrella de magnitú aparente +4,69. Magar el so nome, nun s'alcuentra dientro la constelación de Sextans, el sestante, sinón na vecina Hidra. D'alcuerdu al nuevu amenorgamientu de los datos de paralax d'Hipparcos, alcuéntrase a 295 ± 8 años lluz de distancia del Sistema Solar.
Como otres munches estrelles del cielu nocherniegu —por casu Alfard (α Hydrae), ν Hydrae o π Hydrae, toes na constelación d'Hidra— 2 Sextantis ye una xigante naranxa. Tien tipu espectral K3III y una temperatura efectivo de 4120 K. El so diámetru angular, midíu de forma indireuta en distintes llonxitúes d'onda y considerando l'escurecimientu de llimbu, ye de 2,64 ± 0,03 milisegundos d'arcu; ello dexa evaluar el so diámetru real, resultando ser ésti 26 vegaes más grande que'l diámetru solar, valor que concuerda bien col llográu por modelos teóricos (24 radios solares). Amuesa una metalicidá —bayura relativa d'elementos más pesaos que l'heliu— aproximadamente la metá de la que tien el Sol ([Fe/H] = -0,29). Ye 182 vegaes más lluminosa que'l Sol y tien una masa envalorada un 34% mayor que la masa solar.
Referencies
Categoría:Estrelles Categoría:Xigantes naranxes Categoría:Constelación d'Hidra