5 Serpentis (5 Serpentis / HD 136202 / HR 5694)V* MQ Ser -- Variable of BY Dra type (SIMBAD) ye una estrella de magnitú aparente +5,10. Alcuéntrase na constelación de Serpens, concretamente en Serpens Caput, la cabeza de la culiebra. Alcuéntrase a 81 años lluz del Sistema Solar.
5 Serpentis ta catalogada como xigante o subxigante mariella de tipu espectral F8III-IV. Tien una temperatura efectivo de 6117 - 6123 K y ye 4,5 vegaes más lluminosa que'l Sol. Xira sobre sigo mesma con una velocidá de rotación proyeutada de 4,8 km/s. La so masa ye aproximadamente un 25% mayor que la masa solar y tien una edá envalorada ente 3100 y 4000 millones d'años. Ye, amás, una estrella variable BY Draconis que'l so rellumu varia 0,12 magnitúes,MQ Serpentis (General Catalogue of Variable Stars) polo que recibe la denominación, tocantes a variable, de MQ Serpentis.
5 Serpentis presenta una metalicidá práuticamente igual a la solar ([Fe/H] = -0,01). De 16 elementos evaluaos, dalgunos d'ellos presenten niveles más altos que nel Sol, ente ellos lantanu, ceriu y europiu; especialmente notable ye'l casu d'esti últimu elementu del grupu de los lantánidos, que la so bayura relativa ye 4 vegaes más elevada que nel Sol. Coles mesmes, ye llixeramente deficiente —en rellación a los niveles solares— en aluminiu, calciu y bariu; en concretu, esti últimu metal ye la metá d'abondosa que na nuesa estrella.
5 Serpentis forma una estrella doble con LHS 3060,LHS 3060 -- High proper-motion Star (SIMBAD) visualmente dixebrada d'ella 11,5 segundos d'arcu. De magnitú +10,1, probablemente ye una nana naranxa de tipu K4, y piénsase que forma un verdaderu sistema binariu con 5 Serpentis.MQ Serpentis (The Bright Star Catalogue) La separación real ente dambes estrelles ye igual o mayor de 285 UA.
Referencies
Categoría:Estrelles Categoría:Estrelles variables Categoría:Variables BY Draconis Categoría:Estrelles binaries Categoría:Constelación de Serpens