6 Lyncis (6 Lyn / HD 45410 / HR 2331)6 Lyncis (SIMBAD) ye una estrella asitiada na constelación del Llobu cerval. La so magnitú aparente ye +5,86 y alcuéntrase a 186 años lluz del Sistema Solar. En 2008 anuncióse'l descubrimientu d'un planeta estrasolar orbitando alredor d'esta estrella.
6 Lyncis ye una subxigante mariellu-naranxa de tipu espectral K0IV que la so temperatura superficial ye de 4978 K. Con una masa un 70% mayor que la masa solar, ye una estrella más evolucionada que'l Sol qu'empezó a espandise y a esfrecese, siendo'l so radiu 5,2 vegaes más grande que'l radiu solar. Ye 15 vegaes más lluminosa que'l Sol y tien una metalicidá, datu estrechamente rellacionáu cola presencia de sistemes planetarios, equivalente al 74% de la solar. La so velocidá proyeutada de rotación ye de 1,32 km/s.
Considérase qu'antes de tresformase en subxigante, 6 Lyncis yera una estrella de la secuencia principal de tipu A o F.
Sistema planetariu
En 2008 afayóse un planeta estrasolar, denomináu 6 Lyncis b, orbitando alredor de 6 Lyncis. El planeta, con una masa mínimo 2,4 vegaes mayor que la masa de Xúpiter, orbita a una distancia media de 2,2 UA al respective de la estrella. Tarda 899 díes (2,46 años) en dar una vuelta completa alredor de 6 Lyncis.6 Lyncis (The Estrasolar Planets Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Subxigantes Categoría:Sistemes planetarios Categoría:Planetes estrasolares Categoría:Constelación de Llobu cerval