62 Sagittarii (62 Sgr / c Sagittarii / HD 189763 / HR 7650)V3872 Sagittarii (SIMBAD)V3872 Sagittarii (The Bright Star Catalogue) ye una estrella variable na constelación de Saxitariu de magnitú aparente media +4,51. Alcuéntrase nel estremu suroeste del Terebellum, asterismu formáu por un cuadriláteru d'estrelles. Asitiada a 448 años lluz de distancia del Sistema Solar, ye la más brillosa ente les cuatro estrelles d'esti asterismu.
62 Sagittarii ye una xigante colorada de tipu espectral M4III con una fría temperatura de 3200 K. La midida del so diámetru angular (0,011 segundos d'arcu) dexa calcular el so radiu; ésti ye 162 vegaes más grande que'l radiu solar, o lo que ye lo mesmo, 0,76 UA. Si tuviera asitiada nel llugar del Sol, la so superficie algamaría la órbita de Venus. Tien una lluminosidá 3000 vegaes mayor que la lluminosidá solar.
62 Sagittarii ye una variable irregular de tipu LB que recibe la denominación de variable V3872 Sagittarii. El so rellumu varia ente magnitú +4,45 y +4,64.V3872 Sagittarii (General Catalogue of Variable Stars)
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables irregulares Categoría:Constelación de Saxitariu