Gamma Chamaeleontis (γ Cha / HD 92305 / HR 4174)Gamma Chamaeleontis (SIMBAD)Gamma Chamaeleontis (The Bright Star Catalogue) ye la segunda estrella más brillosa de la constelación de Chamaeleon con magnitú aparente +4,09, dempués de α Chamaeleontis. Alcuéntrase a 417 años lluz de distancia del Sistema Solar.
Gamma Chamaeleontis ye una fría xigante colorada de tipu espectral M0III con una temperatura superficial de 3320 K. El so radiu ye 87 vegaes más grande que'l radiu solar, cifra llograda a partir del so diámetru angular —4,86 milisegundos d'arcu—; si tuviera nel llugar del Sol, estenderíase más allá de la órbita de Mercuriu. La so lluminosidá ye unes 1195 vegaes mayor que la del SolGamma Chamaeleontis. Extended Hipparcos Compilation (XHIP) (Anderson+, 2012) y piénsase que ye una estrella variable, con una variación nel so rellumu de 0,4 magnitúes. Les sos carauterístiques físiques son asemeyaes a les de Mirach (β Andromedae) y ω Capricorni, tamién xigantes de tipu M0.
Por cuenta de la precesión de los equinoccios —pol movimientu de nutación de la Tierra—, nel añu 4200 NE Gamma Chamaeleontis va pasar a ser la Estrella Polar del hemisferiu sur, sustituyendo a Polaris Australis (σ Octantis), qu'anguaño ostenta esti títulu.
Referencies
Categoría:Estrelles Categoría:Xigantes coloraes Categoría:Constelación de Chamaeleon