Iota Hydrae (ι Hya / 35 Hydrae)Iot Hya -- Variable Star (SIMBAD) ye una estrella na constelación de la Hidra. De magnitú aparente +3,91, ye la docena más brillosa de la so constelación.The stars of Hydra (Alcyone) Dacuando recibe'l nome de Ukdah Cuartaι Hya (Ukdah Quarta) (Skymap.org) ente qu'en China yera conocida como Ping Sing, «estrella sele». Alcuéntrase a 263 años lluz del Sistema Solar.
Iota Hydrae ye una xigante naranxa de tipu espectral K2.5III, asemeyáu a munches otres estrelles brilloses del cielu nocherniegu —ente otres Alfard (α Hydrae), λ, μ y ν Hydrae, nesta mesma constelación. La so temperatura efectivo ye de 4270 ± 18 K y ye 339 vegaes más lluminosa que'l Sol. Tien un diámetru 33 vegaes más grande que'l diámetru solar, entemediu ente'l d'Arturu (α Bootis) y el d'Aldebarán (α Tauri), y xira sobre sigo mesma con una velocidá de rotación proyeutada de 2,4 km/s.
Iota Hydrae presenta un conteníu metálico daqué inferior a la solar, tando'l so índiz de metalicidá [Fe/H] entendíu ente -0,08 y -0,14. Per otra parte, tamién foi clasificada como estrella de bariu —nel Bright Star Catalogue apaez catalogada como K2.5III-IIIbBa0.3—, polo que se suxirió que puede formar un sistema binariu con una nana blanca invisible. Igualmente piénsase que pue ser una estrella variable con una fluctuación de rellumu de 0,04 magnitúes. Dicha variabilidá nun foi confirmada, recibiendo Iota Hydrae la denominación provisional, tocantes a variable, de NSV 4528.NSV 04568 (General Catalogue of Variable Stars)
Referencies
Categoría:Estrelles Categoría:Xigantes naranxes Categoría:Constelación d'Hidra