RW Cephei ye una estrella hiperxigante asitiada na constelación de Cefeo. Con una magnitú aparente de 6,45 ta na llende de la visibilidá a güeyu, pero ye un oxetu bien fácil para prismáticos. De tipu espectral K0 (SIMBAD da, sicasí, K2, y otres fontes G8 ó inclusive F0 -lo que puede indicar un tipu espectral variable-), la so distancia nun ye perbién conocida, pero por pertenecer a la mesma asociación estelar que HR 8752 (Cepheus OB1) envaloróse una distancia similar a ella (unos 11000 años lluz, pero daes les incertidumes na so distancia podría tar más cerca, a 7800 años lluz), lo que significa una magnitú bolométrica de -10 y una lluminosidá efectiva de más de 750000 vegaes la del Sol. A diferencia d'otres estrelles del so tipu, nun s'atopó material espulsáu al so alredor. Referencies
RW Cephei na base de datos SIMBAD
IRAS OBSERVATIONS OF THE COOL GALACTIC HYPERGIANTS (n'inglés. Archivu PDF)
Studies of luminous stars in nearby galaxes. I. Supergiants and O stars in the Milky Way (n'inglés. Archivu PDF)
RW Cephei
Categoría:Estrelles Categoría:Hiperxigantes Categoría:Estrelles variables Categoría:Variables semirregulares Categoría:Constelación de Cepheus