Xi Aquilae (ξ Aql / 59 Aquilae / HD 188310) ye una estrella de magnitú aparente +4,72Ksi Aquilae (SIMBAD) asitiada na constelación del Águila. En 2008 anuncióse'l descubrimientu d'un planeta estrasolar n'órbita alredor d'esta estrella.
Asitiada a unos 184 años lluz del Sistema Solar, Xi Aquilae ye una xigante mariella de tipu espectral G9IIIb con una temperatura superficial de 4780 K. Tien un radiu 12 vegaes más grande que'l radiu solar y una lluminosidá 69 vegaes mayor que la del Sol. Ye una estrella de carauterístiques físiques iguales a les d'Altais (γ Draconis) o γ Piscium, magar s'atopa a casi'l doble de distancia qu'éstes.
Xi Aquilae exhibe una metalicidá claramente inferior a la del Sol ([Fe/H] = -0,32). Con una masa de 2,2 de mases solares, tien una edá envalorada de 4680 ± 2190 millones d'años y nel so interior tien llugar la fusión nuclear del heliu en carbonu. Enantes d'evolucionar escontra una estrella xigante foi una estrella blancu-azulada de la secuencia principal de tipu B9.Xi Aquilae (Stars, Jim Kaler) Paez ser cromosféricamente inactiva.
Sistema planetariu
El planeta, denomináu Xi Aquilae b, ta asitiáu a 0,68 UA de la estrella —daqué menos de la distancia que dixebra Venus del Sol—, completando una órbita cada 136,75 díes. La so masa ye de siquier 2,8 vegaes la masa de Xúpiter.Ksi Aquilae (The Estrasolar Planets Encyclopaedia) Ente los planetes descubiertos orbitando alredor d'una estrella evolucionada, ye'l que tien el periodu orbital más curtiu. Foi detectáu por espectroscopia Doppler dende'l Observatoriu Astrofísicu de Okayama en Xapón.
Ver tamién Llista de planetes estrasolares
Referencies
Categoría:Estrelles Categoría:Planetes estrasolares Categoría:Constelación d'Aquila Categoría:Sistemes planetarios