La República Federal de Nixeria, conocida comúnmente como Nixeria, ye una república federal del África Occidental. Llenda con Níxer al norte, con Benín al oeste y con Chad y Camerún al este, y la so costa, que-y fai de llende meridional, pertenez al golfu de Guinea, nel océanu Atlánticu. Organízase en 36 estaos y el Territoriu de la Capital Federal, aú s'asitia Abuya, la so capital.
Lo qu'anguaño ye Nixeria tien sio'l llar de milenta reinos y estaos tribales a lo llargo de los sieglos. L'estáu modernu surdió a partir de la entrada del territoriu nel Imperiu británicu nel sieglu XIX, y tomó les sos llendes territoriales actuales en 1914, tres de la fusión de los protectoraos de Nixeria del Norte y Nixeria del Sur. El país convirtióse formalmente nuna federación independiente d'estaos en 1960, y vivió una guerra civil ente 1967 y 1970. De magar alternó periodos de gobiernos civiles elixíos democráticamente con otros de dictadura militar hasta que se convirtió, en 1999, nuna democracia estable. Sicasí, les eleiciones presidenciales de 2011 son consideraes les primeres razonablemente llibres y llimpies.
Ye vezu referise al país, pol tamañu de la so población y la so economía, col nomatu de "el xigante d'África"Nigeria: Giant of Africa, by Peter Holmes 1987. Los sos 186 millones d'habitantes faen d'elli el país más pobláu d'África y el séptimu más pobláu del mundu. Amás, la de so ye la tercer población infantil y xuvenil mayor del mundu tres de la d'India y China, con más de 90 millones de persones menores de 18 años. El país ye un estáu multinacional nel que conviven más de 500 grupos étnicos, que falen más de 500 llingües distintes y pertenecen a herencies culturales bien estremaes; les etnies más numberoses son los Hausa, los Igbo y los Yoruba. La llingua oficial ye l'inglés, y no que cinca a la relixón la población ta dividida nuna metá cristiana, concentrada na metá meridional del país, y otra musulmana, concentrada nel norte. Hai, tamién, delles relixones indíxenes minoritaries, especialmente nes poblaciones Igbo y Yoruba.
En 2015 Nixeria ye la ventena economía mayor del mundu, y na primera d'África tres de superar a Sudáfrica l'añu anterior. El Bancu Mundial considérala un mercáu emerxente, y tien sío catalogáu como una potencia rexonal africana, una potencia media nel contestu internacionalAndrew F. Cooper, Agata Antkiewicz and Timothy M. Shaw, 'Lessons from/for BRICSAM about South-North Relations at the Start of the 21st Century: Economic Size Trumps All Else?', International Studies Review, Vol. 9, No. 4 (Winter, 2007), páxs. 675, 687.Meltem Myftyler and Myberra Yyksel, 'Turkey: A Middle Power in the New Order', in Niche Diplomacy: Middle Powers After the Cold War, edited by Andrew F. Cooper (London: Macmillan, 1997).Mace G, Belanger L (1999) The Americas in Transition: The Contours of Regionalism (p 153)Solomon S (1997) South African Foreign Policy and Middle Power Leadership, ISS y una potencia global emerxente. Pese a ello tien un nivel de desarrollu humanu perbaxu: ocupa'l puestu 152 nel ránking del Índiz de Desarrollu Humanu. Nixeria forma parte del grupu de países emerxentes conocíu como MINT (Méxicu, Indonesia, Nixeria y Turquía), y apaez davezu nes llistes (como la Next Eleven, ellaborada pol bancu d'inversiones Goldman Sachs) que tenten de definir cuálas economíes tán destinaes a tar ente les mayores del mundu nún futuru cercanu. Ye miembru fundador de la Xunión Africana y pertenez a munches otres organizaciones como les Naciones Xuníes, la Organización pa la Cooperación Islámica, la Commonwealth y la OPEP.
Historia
Política
Gobiernu miniaturadeimagen|Edificiu de l'Asamblea Nacional de Nixeria, n'Abuya Nixeria ye una república federal, organizada siguiendo'l modelu d'Estaos Xuníos d'AméricaCharles Mwalimu. The Nigerian Legal System: Public Law. Peter Lang. 2005. p. 6. y compuesta por 36 estaos y una capital federal, Abuya. El poder executivu exércelu'l presidente, que ye al tiempu xefe del estáu y xefe del gobiernu federal; el presidente ye elixíu por sufraxu universal cada cuatro años, y nun puede selo más de dos llexislatures. El poder del presidente ye fiscalizáu por una asamblea bicameral, nomada Asamblea Nacional, formada por un Senáu y una Cámara de Representantes. El Senáu fórmenlu 109 senadores, trés por cada estáu y ún más representando a la rexón capital, elixíos por sufraxu popular cada cuatro años. La Cámara tien 360 representantes, con un númberu de representantes estatal proporcional a la población.
La elección de presidente faese nún procesu electoral a dos vueltes. Pa ser elixíu en primer vuelta un candidato tien que tener una mayoría relativa de los votos y más d'un 25% de los votos en polo menos 24 de los 36 estaos. Si dengún candidatu cumple con esos requisitos celébrase una segunda vuelta ente'l candidatu con más votos y el siguiente que tenga recibío la mayoría de los votos nel mayor númberu d'estaos. Los candidatos a presidente tomen un candidatu a vicepresidente que seya, lo mesmu étnicamente que no que cinca a la so relixón, lo contrario d'elli: asina, un candidatu cristianu del sur del país escoyerá un compañeru musulmán del norte, y viceversa. Magar que nun hai llei denguna obligando a que se faiga asina, tolos candidatos presidenciales que se tienen presentao dende la instauración de la Cuarta República cumplieron esta norma. Esto a veces ye problemáticu: asina, al candidatu presidencial a les eleiciones de 2023 Tinubu, un musulmán del norte, ta costándo-y enforma alcontrar un compañeru de candidatura cristianu del norte, que ye una zona mayoritariamente musulmana.
Los gobernadores provinciales, neto que'l presidente, son elixíos pa cuatro años, y nun pueden selo más de dos llexislatures. No que cinca al poder xudicial, la cume del sistema de tribunales federales ye'l Tribunal Supremu de Nixeria.
Divisiones alministratives Nixeria divídese en 36 estaos y el Territoriu de la Capital Federal, sodividíos en 774 árees de gobiernu llocal. En dellos contestos agrúpase a los estaos en seis rexones xeopolítiques: Noroeste, Noreste, Centru Norte, Suroeste, Sureste y Sur Meridional (South South).
Nel país hai cinco ciudaes con más d'un millón d'habitantes: Lagos, Kano, Ibadán, Benin City y Port Harcourt. Lagos ye la mayor ciudá d'Africa, con más de 12 millones d'habitantes na so área urbana.
El sur del país carauterízase por una intensa urbanización, con bayura de ciudaes. Acordies con una estimación de 2015, había nel país 20 ciudaes con más de 500.000 habitantes. alt=|miniaturadeimagen|400x400px|Mapa políticu de Nixeria Los 36 estaos del país, por orde alfabéticu, son:
Economía
Bibliografía ICOM, Red List, International Council of Museums Fabio Maniscalco, Archaeological Looting and the Protection of Cultural Property in Nigeria, in "Web Journal on Cultural Patrimony", vol. 1, 2006
Referencies
Enllaces esternos Nomes nixerianos
Categoría:Nixeria Categoría:Organización de les Naciones Xuníes Categoría:Mancomunidá Británica de Naciones Categoría:OPEP Categoría:Xunión Africana