Regina Llopis Rivas ye una especialista en intelixencia artificial nos campos de la enerxía, la sanidá y les finances, presidenta del Grupu AIA, profesora en delles universidaes y dueña de la patente HELM/FLOW.
Biografía Llopis nació en Cumaná, Venezuela, ye doctora en Matemátiques Aplicaes a la Intelixencia Artifical pola Universidá de California en Berkeley y Llicenciada en Matemátiques con altos honores pola Universidá de Maryland.
Cuntó col sofitu y les enseñanza del so padre por que, tanto ella como los sos cuatro hermanes, fueren muyeres alloñaes de la idea de ser menos que cualquier home, y animar diciéndo-yos "Nun Pongáis llendes, tou ye posible". Asina, amás de Regina, toes elles son muyeres relevantes nos sos respeutivos campos: Ana María ye presidenta de la cadena de supermercaos DIA y empresaria fundadora d'Idees4All, Jimena ye partner direutor de Musarión, Elvira ye cofundadora de la empresa testil Rose pour les garçons, y Patricia ye una alta directiva de IBM.
Mientres Llopis estudiaba na Universidá de California en Berkeley, conoció a quien sería'l so home'l físicu Antoni Trias Bonet.
Trayeutoria profesional Tuvo 10 años nel Departamentu de Matemátiques y Ciencies de la Computación na Universidá de Simón Bolivar de Caracas, exerciendo de profesora acomuñada. En 1988 foi fundadora y CEO d'Aplicaciones n'Informática Avanzada SL.
Na empresa, Music Intelligence Solutions, onde se creó la ferramienta Polyphonic HMI de meyora d'esperiencia pa predicir ésitos musicales, que funcionó nos casos de Norah Jones, Anastacia o Maroon 5.
Trabayó como profesora en delles universidaes, como la Universidá Autónoma de Madrid, la Universidá Católica de Chile, la Universidá de Barcelona, según en el IESE Business School de Barcelona.
Desenvolvió ferramientes pal sector financieru pa detectar prematuramente el blanquéu de dineru en transaiciones.
En xunu de 2009, dientro de la empresa del grupu AIA, llogró la patente del so sistema de y metodoloxía de xestión de les redes de tresmisión y distribución llétriques, Holomorphic Embedding Load-flow Method (HELM), que solucionaba'l problema de los apagones llétricos, amenorgando'l tiempu de respuesta antes éstos y consiguiendo l'aforru de costos na distribución d'enerxía llétrica. Esta ferramienta foi usada na empresa Pacific Gas & Electric Company y na Comisión Federal de Lletricidá en Méxicu.
Premios 1972: Premiu especial académicu del Departamentu de Matemátiques de la Universidá de Maryland, Estaos Xuníos. 1972: Llicenciatura con High Honors y Honors en Matemátiques, Universidá de Maryland, Estaos Xuníos. 1980: Concursu d'ascensu de Profesor Asistente a Agregáu (Julio 1980). 1984: Concursu d'ascensu de Profesor Amestáu a Asociáu (Xunu 1984). 1996: Escoyida por Marquis “Who’s Who” Thirteenth edition. 2004: Premiu “Juan Bufí”, Payares 2004. Dau pola Fundación de Bufí y Planes. 2015: IWEC AWARD (IWEC – International Entrepreneurial Challenge Foundation, creada pola Cámara de Comerciu de Barcelona, la Cámara de Comerciu de Manhatan y la FICCI/FLO (Federation of Indian Chambers of Commerce and Industry Ladies Organization). 2017: Premiu Ada Byron a la Muyer Tecnóloga, de la Facultá d'Inxeniería d'Enllaces esternos de la Universidá de Deusto.
Referencies
Enllaces esternos Hit Song Science Is Not Yet a Science - a study that appeared in ISMIR 2008.
Categoría:Matemáticos y matemátiques de Venezuela