Zabivaka (en rusu: Забива́ка "Pequeñu Goliador") ye la mascota oficial de la Copa Mundial de Fútbol de 2018 que se celebró en Rusia. Representáu por un llobu antropomórfico con una camisa blanca y azul coles pallabres "RUSSIA 2018", y usando antioyos deportivos naranxa. Los colores del so uniforme (blancu, azul y colloráu) son los de la seleición rusa. La estudiante diseñadora de la mascota ye Ekaterina Bocharova, y foi escoyida por votación n'Internet.
Los resultaos de la eleición fueron anunciaos el 22 d'ochobre de 2016 nel programa "Evening Urgant", na primer cadena de televisión rusa. El llobu llogró'l 53% de los votos, superando al tigre (27%). El gatu, con 20% de los votos, quedó en tercer llugar. Más de 1 millón de persones participaron na votación, que tuvo llugar mientres setiembre de 2016 nes plataformes de la FIFA, según mientres la tresmisión en direuto na primer cadena de televisión rusa, onde los resultaos de la competición creativa fueron anunciaos.
Descripción de Zabivaka Ye encantador, seguro de sigo mesmu y sociable, siempres suañó con ser una estrella del fútbol. El so pasatiempu favoritu ye'l fútbol y siempres xuega con deportividá, valorando a los sos compañeros y respetando a los sos adversarios; sabe perbién lo que fai. Tol mundu esfruta de la so compañía, ye'l más risonderu del equipu y fai rir a los demás. Gústa-y llevar gafes deportives cuando ta n'aición, porque piensa qu'ameyoren la so habilidá nel campu y amás gústa-y posar.
Referencies
Ver tamién Mascota de la Copa Mundial de Fútbol Rusia
Categoría:Caninos de ficción Categoría:Copa Mundial de Fútbol de 2018 Categoría:Mascotes de la Copa Mundial de Fútbol Categoría:Mascotes Categoría:Cultura de Rusia Categoría:Rusos ficticios