Sabiha Gökçen foi una militar y aviadora, conocida por ser la primer aviadora de combate nel mundu y la primer muyer aviadora de Turquía, a la edá de 23 años.Sabiha Gokcen biography, Hargrave Pioneers of AviationM. Şükrü Hanioğlu (2011). Ataturk: An Intelectual Biography, páx. 210 Foi tamién una de los ocho neños adoptaos de Mustafa Kemal Atatürk.
Biografía Los oríxenes de Sabiha Gökçen nun tán claros. Según la historiografía oficial turca, foi adoptada por Atatürk mientres una visita d'ésti a Bursa en 1925, al tener conocencia de les males condiciones en que vivía. Sabiha convirtióse asina n'otra de los neños adoptaos por Atatürk, morando nel Palaciu Presidencial d'Ankara. Realizó los sos estudios na capital turca y n'Istambul. Dende mozu viose estelada pel mundu de l'aeronáutica.
En 1936 entró na Academia de la Fuercia Aérea Turca, realizando amás un cursu de formación na Xunión Soviética; darréu llogró la so llicencia de pilotu. Mientres los 28 años que tuvo na Fuercia aérea, realizó 8.000 hores de vuelu y probó 22 tipos d'aviones.Rosalind Miles, Robin Cross (2011). Warrior Women: 3000 Years of Courage and Heroism, páx.275 N'ingresando na Fuercia Aérea Turca, en xunu de 1937 realizó amás el so primer serviciu de guerra bombardiando les posiciones de rebeldes curdos mientres la Rebelión de Dersim.Sylvia Kedourie (2000). Seventy-five Years of the Turkish Republic, páx. 21 En 1938, poco primero de la muerte de la so mentor, realizó un esitosu raid aereu poles capitales de los Balcanes que-y dio gran celebridá.
Sabiha convirtióse asina nel símbolu de la nueva Turquía republicana, moderna y secular, que Atatürk encarnaba.
Homenaxes El segundu aeropuertu d'Istambul foi nomáu Aeropuertu Internacional Sabiha Gökçen nel so honor.Peter J. Munson (2013). War, Welfare & Democracy: Rethinking America's Quest for the End of History, páx. 151
Foi escoyida p'apaecer nel póster "Los 20 aviadores más grandes de les hestoria" de la Fuercia Aérea de los Estaos Xuníos en 1996, siendo la única muyer nel póster. El buscador Google'l 22 de marzu de 2009 camudó'l so logo na so versión turca pa homenaxala.
Referencies
Enllaces esternos
Categoría:Aviadores de Turquía Categoría:Militares de Turquía