Cleto González Víquez foi un políticu, abogáu ya historiador costarricanu, presidente de Costa Rica de 1906 a 1910 y de 1928 a 1932. Los sos padres fueron Cleto González Pérez y Aurora Víquez Murillo. Casóse en San Xosé'l 12 de mayu de 1889 con Adela Herrán Bonilla (1861-1932). Foi declaráu Beneméritu de la Patria el 6 d'ochobre de 1944 pol Congresu de la Nación.
Alministración González Viquez Fízose una gran rede d'escueles y cañeríes mientres la so xestión. La delda pública aumentó, sicasí a finales de la primer década del sieglu XX Costa Rica cuntaba con un ferrocarril interoceánico, allumáu llétricu en munchos pueblos y caminos vecinales.
Principales llogros de les sos alministraciones Conclúi'l ferrocarril al Pacíficu en 1910. Dictóse la primer Llei de Ferrocarriles. Amplióse'l Sistema de Cañeríes de San Xosé. Construyó l'antiguu edificiu de la Biblioteca Nacional. Reforzó los servicios municipales. Creóse la cartera de Trabayu en 1928 y Previsión Social ya impulsóse la redaición d'un Códigu de Trabayu. Creáronse les carteres d'Agricultura y Ganadería y el Serviciu Nacional d'Electricidá en 1928. Inauguró'l muelle de Puntarenas en 1928. Creóse la Procuradoría Xeneral de la República. Fundóse'l Patronatu Nacional de la Infancia. Fundóse la Primer Empresa Nacional de Tresportes Aéreos en 1932. Pavimentó les cais de San Xosé.
Otros cargos públicos Alcalde de San Xosé. Secretariu de les Llegaciones de Costa Rica nos Estaos Xuníos (1885) y en Guatemala (1886). Subsecretariu de Rellaciones Esteriores y carteres amiestes (1886). Secretariu de Gobernación y carteres amiestes (1887-1888). Axente Confidencial de Costa Rica en Nicaragua (1889). Secretariu de Rellaciones Esteriores y carteres amiestes (1889). Diputáu por San Xosé (1892 y 1916-1917) y Vicepresidente del Congresu Constitucional (1892). Segundu Designáu a la Presidencia (1902-1906). Secretariu de Facienda y Comerciu (1902-1903). Presidente Municipal de San Xosé de (1904-1905 y 1922-1923). Miembru de la comisión redactora del proyeutu de Constitución de 1917. Conjuez de la Corte Suprema de Xusticia (1917-1920). Delegáu de Costa Rica y Presidente de la Conferencia Centroamericana de San Xosé (1920). Presidente del Colexu d'Abogaos. Presidente de la Xunta de Caridá de San Xosé. Presidente de l'Academia Costarricana de la Llingua.
Obres San José y sus inicios. Publicáu na Revista de Costa Rica, añu 1920, vol. 2, núm. 2 (ochobre), páxs. 33-41 y núm. 3 (payares), páxs. 33-65. Reproducíu en: González Víquez, Cleto; Núñez, Francisco María; Tinoco, Luis Demetrio (1987). sos%20empiezos.pdf San Xosé y los sos empiezos: Documentos fundamentales: 1737-1987. San Xosé (Costa Rica): Ministeriu de Cultura, Mocedá y Deportes, Comisión Nacional de Conmemoraciones. (Consultáu'l 15 de marzu de 2015).
Referencies
Bibliografía
Enllaces esternos
Categoría:Abogaos y abogaes de Costa Rica Categoría:Alcaldes y alcaldeses de Costa Rica Categoría:Xenealoxistes de Costa Rica Categoría:Lliberales de Costa Rica Categoría:Presidentes de Costa Rica Categoría:Vicepresidentes de Costa Rica Categoría:Historiadores de Costa Rica Categoría:Ministros y ministres de Costa Rica