Especializáu primero en triple saltu y depués en saltu de llonxitú, nel añu 1999 foi subcampeón del mundu en Maebashi (pista cubierta) y en Sevilla realizando dos saltos de 8.56 m.
Principios El so primer contautu col atletismu foi a los 7 años cuando corrió una carrera de campu al traviés na so ciudá natal, Avilés (Asturies). Depués d'esta carrera entra na Asociación Atlética Avilesina, onde descubren unes habilidaes innates pal saltu. Con 8 años salta yá más de cuatro metros, con 13 seis, con 15 soprepasa los siete metros y con 18 sobrepasa yá en dos ocasiones los ocho metros.
Demientres la so carrera tuvo 3 entrenadores, Juan José Azpeitia, Juan Carlos Álvarez y Rafael Blanquer, los tres fueron saltadores y renomaos entrenadores anguaño.
Marques personales Saltu de llonxitú - 8.56 m (1999) Triple saltu - 16.72 m (1998)
Pertien el récor européu de saltu de llonxitú en pista cubierta, con un saltu de 8.56m.
Medayes Campeonatos Mundiales d'Atletismu 2003 - Medaya de bronce. Campeonatos Mundiales d'Atletismu Indoor 2003 - Medaya de plata. Campeonatos Europeos d'Atletismu 2002 - Medaya de bronce. Campeonatos Europeos Indoor d'Atletismu 2002 - Medaya de plata. Campeonatos Mundiales d'Atletismu 1999 - Medaya de plata. Campeonatos Mundiales d'Atletismu Indoor 1999 - Medaya de plata. Campeonatos Iberoaméricanos 1999 - Medaya d'oru. Campeonatu d'Europa sub23 1999 - Medaya d'oru.
Notes y referencies
Enllaces esternos Sitiu Web oficial de Yago Lamela
Categoría:Atletes d'Asturies Categoría:Persones d'Avilés