Іван Трубачкін (нар. , ) — украінскі футбаліст, абаронца.

Клубная кар’ера Пачынаў займацца футболам у школе кіеўскай «Абалоні», але неўзабаве апынуўся ў структуры «Дынама». Прайшоўшы розныя ступені юнацкіх каманд, з 2010 года пачаў выступаць за дынамаўскую каманду ў моладзевым першынстве Украіны. Улетку 2013 года галоўны трэнер моладзевай каманды Аляксандр Хацкевіч узначаліў «Дынама-2» і забраў да сябе шэраг ігракоў, у тым ліку Трубачкіна. 14 ліпеня 2013 года дэбютаваў у Першай лізе, правёўшы на полі ўсе 90 хвілін у матчы супраць чарнігаўскай «Дзясны» (0:0).

Улетку 2016 года, пасля таго як «Дынама-2» спыніла існаванне, стаў іграком шведскага клуба «Умеа» з трэцяга дывізіёна. У лютым 2017 прыбыў на прагляд у беларускі «Крумкачы» і ў сакавіку падпісаў кантрактУкраинский защитник Трубочкин подписал контракт с "Крумкачами". У складзе каманды стаў іграком асновы, у красавіку-маі 2017 года не гуляў з-за траўмы. У чэрвені зноў выбыў са строю, а ў жніўні стала вядома, што абаронца не вернецца ў «Крумкачы»Иван Трубочкин не вернется в "Крумкачы".

У кастрычніку 2017 года далучыўся да кіеўскага «Арсенала», якому дапамог выйсці ў Прэм’ер-лігу. У ліпені 2018 года перайшоў у адэскі «Чарнаморац». Пасля таго, як адэскі клуб па выніках сезона 2018/19 страціў месца ў Прэм’ер-лізе, у ліпені 2019 года далучыўся да данецкага «Алімпіка». Пакінуў данецкі клуб у снежні 2019 года.

У студзені 2020 года падпісаў кантракт з тбіліскім «Дынама», выступаў за клуб да канца сезона 2020. У першай палове 2021 года гуляў ва ўкраінскай Другой лізе за вышгарадскі «Дзіназ». У верасні 2021 года стаў іграком данецкага «Алімпіка», пакінуў клуб у студзені 2022 года.

У ліпені 2022 года папоўніў склад «Мыная», дзе гуляў да канца сезона 2022/23. У верасні 2023 года вырашыў завяршыць прафесійную кар’еру і стаў дзіцячым трэнерам у Кіеве.

Міжнародная кар’ера Выступаў за юнацкія і моладзевыя зборныя Украіны розных узростаў.

Дасягненні Пераможца Першай лігі Украіны: 2017/18 Чэмпіён Грузіі: 2020

Крыніцы

Катэгорыя:Футбалісты Украіны Катэгорыя:Ігракі ФК Дынама Кіеў Катэгорыя:Ігракі ФК Дынама-2 Кіеў Катэгорыя:Ігракі ФК Умеа Катэгорыя:Ігракі ФК Крумкачы Мінск Катэгорыя:Ігракі ФК Арсенал Кіеў Катэгорыя:Ігракі ФК Чарнаморац Адэса Катэгорыя:Ігракі ФК Алімпік Данецк Катэгорыя:Ігракі ФК Дынама Тбілісі Катэгорыя:Ігракі ФК Дзіназ Вышгарад Катэгорыя:Ігракі ФК Мынай