Джон Уэйн (, сапраўднае імя — Marion Robert Morrison; 26 мая 1907 — 11 чэрвеня 1979) — амерыканскі акцёр, якога звалі каралём вестэрна. Здымаючыся штогод прыкладна ў пяці фільмах, ён быў ледзь не самым запатрабаваным галівудскім акцёрам эпохі гукавога кіно.
Біяграфія Выхадзец штата Аява, Уэйн пачынаў у нямых фільмах свайго прыяцеля Джона Форда. Пасля, калі Форд стаў адным з кіроўных рэжысёраў Амерыкі, рэдкі яго фільм абыходзіўся без удзелу Уэйна. Для амерыканцаў трыццатых гадоў Уэйн быў увасабленнем мужнасці і індывідуалізму. Пачынальна з каўбойскай сагі «Вялікая сцежка» (1930), адмысловы поспех спадарожнічаў акцёру ў «баявіках» з бойкамі і пагонямі, часцяком вельмі малабюджэтных.
У 1939 г. Уэйн выканаў самую яркую сваю ролю — у маштабным вестэрне «Дыліжанс», які з поспехам быў паказаны і ў савецкіх кінатэатрах.
Падчас Другой сусветнай вайны здымаўся ў шматлікіх пастаноўках на ваенныя тэмы.
Па канчатку вайны разам з сынамі заснаваў адмысловую студыю, якая спецыялізавалася на вытворчасці вестэрнаў.
Сярод яго фільмаў тых гадоў асоба вылучаецца «Форт Алама» (1960), які ён сам жа і паставіў.
Апошні буйны праект Уэйна — «Самы трапны» — выйшаў на экраны ЗША ў 1976 годзе.
Уэйн заўсёды быў прыхільнікам Рэспубліканскай партыі, у 1960-я гг. апынуўся ў цэнтры ўвагі як рупар кансерватыўных кругоў Амерыкі, бо ён жорстка адстойваў неабходнасць працягу вайны ў В'етнаме і здымаўся ў агітацыйных фільмах адпаведнай тэматыкі.
Фільмаграфія 1930 — «Вялікая сцежка» 1939 — «Дыліжанс» 1948 — «Чырвоная рака» — Томас «Том» Дансан, каўбой і жывёлавод 1952 — Ціхі чалавек 1957 — «Крылы арлоў» 1959 — «Рыа Брава» 1959 — «Кавалерысты» 1960 — «Форт Алама» 1968 — «Зялёныя берэты» 1970 — «Рыа Лоба» 1971 — «Каўбоі» 1976 — «Самы трапны»
Зноскі
Спасылкі
Афіцыйны сайт
Катэгорыя:Акцёры вестэрнаў Катэгорыя:Артыстычныя псеўданімы Катэгорыя:Лаўрэаты прэміі «Оскар» Катэгорыя:Лаўрэаты прэміі «Залаты глобус» Катэгорыя:Узнагароджаныя Залатым Медалём Кангрэса Катэгорыя:Лаўрэаты прэміі Сесіля Б. Дэ Міля