Масавыя забойствы ў Адыграце — расправы, якія адбыліся ў перыяд з лістапада па снежань 2020 года ля горада Адыграт у эфіопскім рэгіёне Тыграй. Забойствы здзейснілі эрытрэйскія ваенныя.
Першае забойства адбылося 18 лістапада, калі эрытрэйцамі былі забіты 59 жыхароў Заламбеса. 21 лістапада, неўзабаве пасля захопу Ідагі Хамуса, яны пакаралі смерцю 24 чалавек. Пасля таго, як замежная армія ўзяла пад кантроль сам Адыграт, эрытрэйцы вывелі адтуль 12 людзей на край горада і таксама пакаралі смерцю. Афіцыйныя эфіопскія федэральныя крыніцы паведамлялі, што ўрадавыя сілы ўзялі пад свой кантроль Адыграт у гэты ж дзень. 25 лістапада эрытрэйцамі былі забіты ад 8 да 15 грамадзянскіх асоб у Адыграце і 8 у Хаўзене. 30 лістапада загінулі ад 80 да 150 мірных жыхароў у царкве Марыям Дэнгелат у 5 км на паўднёвы захад ад Айдага Хамус. У пачатку снежня 13 хлопчыкаў з вёскі Такот каля Ідага Хамуса ва ўзросце 12–15 гадоў былі вымушаны дапамагчы салдатам Эрытрэі ў пагрузцы грузавіка, а затым былі пакараны смерцю.
Зноскі
Катэгорыя:Лістапад 2020 года Катэгорыя:Снежань 2020 года Катэгорыя:Масавыя забойствы падчас Тыграйскага канфлікту Катэгорыя:Забойствы, здзейсненыя ў 2020 годзе Катэгорыя:2020 год у Эфіопіі