Змяінагорскі раён () — адміністрацыйна-тэрытарыяльнае ўтварэнне (сельскі раён) і муніцыпальнае ўтварэнне (муніцыпальны раён) у Алтайскім краі Расіі. Адміністрацыйны цэнтр — горад Змяінагорск, размешчаны за 87 км ад Рубцоўска.
Геаграфія Раён плошчай у 2802 км² размешчаны ў паўднёвай частцы края. Рэльеф усходняй часткі ўзгорысты, месцамі гарысты (адгор’і Калыванскага хрыбта), заходняй часткі — пераважна раўнінны. На тэрыторыі раёна здабываецца свінец, цынк.
Умерана кантынентальны клімат. Сярэдняя тэмпература каля 20 °C, вільготнасць паветра — 70 %. Траціну года на тэрыторыі Змяінагорскага раёна стаіць яснае сонечнае надвор’е, пераважна, у летнія месяцы.
Па тэрыторыі раёна працякаюць рэкі Карбаліха, Вялікая Гальцоўка, Талоўка; у паўночна-ўсходняй частцы размешчана возера Калыванскае. Глебы шэрыя лясныя, вышчалачаныя, моцна вышчалачаныя, чарназёмы. Растуць елка, піхта, хвоя, бяроза; багатае разнатраўе. Фаўна — мядзведзь, лось, казуля, дзік, собаль, норка, ліса, андатра, тхор, гарнастай, каланок, выдра, барсук, вавёрка, заяц, воўк.
У раёне знаходзіцца частка Тыгірэкскага запаведніка.
Крыніцы
Катэгорыя:Раёны Алтайскага края