Ельня — рака ў Беларусі, у Шчучынскім і Мастоўскім раёнах Гродзенскай вобласці, правы прыток Нёмана.
Даўжыня ракі 23 км. Плошча вадазбору 123 км². Сярэдні нахіл воднай паверхні 2,3 ‰. Пачынаецца на паўночны захад ад вёскі Барташы Шчучынскага раёна, упадае ў Нёман за 2 км на паўночны ўсход ад вёскі Масты Правыя Мастоўскага раёна. Вадазбор на Лідскай раўніне і Нёманскай нізіне. Мае левы прыток Абрамаўшчыну. На працягу 18 км каналізаваная: ад вёскі Барташы да вёскі Скоржыкі (8 км) і ад вёскі Мілеўцы да вусця (10 км).
Літаратура
Катэгорыя:Прытокі Нёмана Катэгорыя:Рэкі Шчучынскага раёна Катэгорыя:Рэкі Мастоўскага раёна