Брэкенрыдж () — горад у штаце Каларада (ЗША). Адміністрацыйны цэнтр акругі Саміт. Насельніцтва — 4540 чалавек (2010). Заснаваны ў 1859 годзе, падчас Каларадскай залатой ліхаманкі. Першапачатковае насельніцтва мястэчка — старацелі. Назва дадзена ў гонар Джона Брэкенрыджа, віцэ-прэзідэнта ЗША. Усяго за XIX—XX стагоддзі ў раёне Брэкенрыджа здабылі больш за 31 тону золата. Цяпер шахты не працуюць, частка з іх адкрыта для наведвання турыстамі.
Клімат — альпійскі, горад размешчаны на вышыні 2900 метраў над узроўнем мора. Тут размешчаны адзін з папулярных у ЗША ў апошнія гады горналыжных курортаў — Breckenridge Ski Resort.
Катэгорыя:Гарады Каларада