Станіслаў Уладзіміравіч Сувораў (нар. , , Мінская вобласць, Беларусь) — беларускі футбаліст (абаронца) і трэнер.
Гульнявая кар’ера Пачынаў футбольную кар’еру ў СДЮШАР горада Капыль, адкуль пазней перабраўся ў салігорскі «Шахцёр», дзе выступаў за дубль. У канцы 2012 года футбаліст завяршыў кар’еру футбаліста, так і не дэбютаваўшы на прафесійным узроўні.
Трэнерская кар’ера У 2014 годзе стаў трэнерам юнацкай каманды салігорскага «Шахцёра». У студзені 2020 года футбаліст стаў галоўным трэнерам дубля салігорскага клуба. У верасні 2020 года спецыяліст быў прызначаны на пасаду выконваючага абавязкі галоўнага трэнера, аднак правеў толькі некалькі трэніровачных працэсаў.
У студзені 2022 года ўзначаліў трэнерскі штаб петрыкаўскага «Шахцёра». У лістападзе 2022 года ў ролі асістэнта галоўнага трэнера ўвайшоў у трэнерскі штаб маладзёжнай зборнай Беларусі. Па выніку сезона разам з петрыкаўскім «Шахцёрам» стаў бронзавым прызёрам Першай лігі. У снежні 2023 года вярнуўся ў салігорскі «Шахцёр», дзе стаў асістэнтам галоўнага трэнера. У жніўні 2023 года атрымаў трэнерскую ліцэнзію UEFA PRO.
У снежні 2023 года стаў галоўным трэнерам салігорскага "Шахцёра", з якім падпісаў двухгадовы кантракт з опцыяй падаўжэння яшчэ на сезон. У пачатку верасня 2024 года, падчас міжнароднай паузы ў чэмпіянаце, быў адпраўлены ў адстаўку. За ўвесь час кіравання салігорскім «Шахцёрам», які меў у складзе маладых гульцоў і быў пазбаўлены магчымасці падпісваць новых, Станіславу Сувораву не ўдалося падняць каманду з зоны вылету ў Першую лігу.
Дасягненні Трэнерскія Бронзавы прызёр Першай лігі чэмпіянату Беларусі (Д2): 2022
Крыніцы
Катэгорыя:Футбалісты Беларусі Катэгорыя:Ігракі ФК Капыль Катэгорыя:Ігракі ФК Узда Катэгорыя:Футбольныя трэнеры Беларусі Катэгорыя:Трэнеры ФК Шахцёр Петрыкаў Катэгорыя:Трэнеры ФК Шахцёр Салігорск