«Слава свету» — агітацыйна-прапагандысцкі мастацкі фільм. Зняты ў 1932 годзе на кінастудыі «Белдзяржкіно». Фільм не захаваўся.
Сюжэт У адной з заходнееўрапейскіх дзяржаў устанаўліваецца прафашысцкая дыктатура на чале з генералам Адлерам. Лідар сацыял-дэмакратаў Зігель і акадэмік Хельм, які працуе над стварэннем атрутных рэчываў, сустракаюцца з генералам, каб абмеркаваць праблемы супрацоўніцтва. Адлер прапануе ім падарожжа на ваенным караблі «Слава свету».
Камуніст Білі Паркер, якога дома чакае нявеста Марта, застаецца на звыштэрміновую службу на флоце, каб па заданні падпольнага камітэта весці агітацыю сярод матросаў. Аднак афіцэры знаходзяць у жаўнерні ўлёткі і брашуру «Ленін супраць вайны», і Білі, асцерагаючыся здрады кінутага ў каземат навабранца Эрыка, змушаны збегчы на маторнай лодцы.
Пагоня гідраплана не дае выніку, і акадэмік Хельм прапануе выкарыстоўваць для злову Паркера вынайдзены ім «хельміт» — новы звыштаксічны атрутны газ. У зону яго дзеяння трапляюць рыбацкія шхуны, экіпажы, якіх гінуць. Білі выжывае дзякуючы процівагазу, а затым выдае сябе за рыбака.
На хімзаводзе, дзе вырабляюць «хельміт», адбываецца выбух. Сярод шматлікіх ахвяр і аслеплая Марта. Стаўшы беспрацоўным, канчае жыццё самагубствам Мелер — сябар яе бацькі, старога сацыял-дэмакрата Паўля Форста. Сам Форст расчароўваецца ў ідэалах сваёй партыі.
Білі вяртаецца ў горад. Стан Марты не мяняе іх адносін. Падпольны камітэт даручае ім сарваць пагрузку на «Славу міру» зброі, якая можа быць выкарыстана для вайны з Савецкім Саюзам.
Марта выступае на мітынгу пратэсту. Білі з дапамогай Паўля і іншых працоўных уступае ў сутычку з фашыстамі-штрэйкбрэхерамі, а потым з паліцыяй. Пагрузка зброі сарваная. Арыштаваная Марта [Білі, Паўль] абвяшчае: «Жыве Савецкі Саюз! Далоў фашыстаў!» [Стрэлам з-за вугла фашыст забівае Білі. Гучыць рэвалюцыйная песня — гімн будучай перамозе працоўнага класа.] Літаратура Игорь Авдеев, Лариса Зайцева Все белорусские фильмы : каталог-справочник. Игровое кино (1926—1970). — Минск: Беларуская навука, 2001. — Т. 1. — 240 с. — ISBN 985-08-0023-2 Катэгорыя:Фільмы 1932 года