Несапраўдныя лапатаносы (Pseudoscaphirhynchus) — род рыб сямейства асятровых. Усе тры віды гэтага роду з’яўляюцца эндэмікамі басейнаў рэк Амудар’я і Сырдар’я і знаходзяцца на мяжы поўнага знікнення.
Апісанне Гэта самыя дробныя асятровыя ў свеце, даўжыня цела — да 27—50 см, маса — да 2 кг. Рыла плоскае і шырокае, лапатападобнае (як і ў амерыканскіх сваякоў). У некаторых відаў верхняя лопасць хваставога плаўніка пераходзіць у доўгую, тонкую нітку, якая можа быць даўжэйшай за само цела. На рыле і галаве ў многіх асобін ёсць вострыя касцяныя шыпы, што рэдка сустракаецца ў іншых асятровых.
Асаблівасці біялогіі Кормяцца доннымі беспазваночнымі (лічынкамі насякомых), вялікія асобіны могуць паядаць дробную рыбу. Жывуць у вадзе, дзе бачнасць амаль нулявая, выкарыстоўваюць органы дотыку (вусікі) і электрарэцэпцыю.
Род моцна пацярпеў ад дзейнасці чалавека: забор вады на арашэнне і абмялення рэк, будаўніцтва плацін, забруджванне вод хімікатамі з палёў.
Крыніцы
Катэгорыя:Асятровыя