«She Said She Said» () — песня англійскага гурта «The Beatles», якая напісана Джонам Ленанам і ўпершыню з'явілася на альбоме 1966 года «Revolver»Дэвід Шэф. «Усё, пра што мы кажам» (2000), с. 179—180.Бары Майлз. «Пол Мак-Картні: Шмат гадоў таму» (1997), с. 288.. Яе тэма ўзнікла ў Ленана пасля адной з вечарынак з прыёмам ЛСД, калі амерыканскі кінаакцёр Пітэр Фонда сказаў яму: «Я ведаю, што такое быць мёртвым». Гэта першы тэкст Ленана, пабудаваны на наркатычным адкрыцці. У песні «Tomorrow Never Knows» Ленан апісвае ўсе жахлівыя наступствы гэтай ідэі, a «She Said» ператварае звязаныя з гэтым вобразам асацыяцыі ў адну з пачатковых глаў сваёй аўтабіяграфіі і робіць яе першым крокам да альбома «Plastic Ono Band»Пра песню «She Said, She Said» на сайце фан-клуба гурта «The Beatles».
Пра песню Штуршком для напісання песні паслужылі словы Пітэра Фонды на псіхадэлічнай вечарынцы, якая адбылася падчас чарговых амерыканскіх гастроляў «The Beatles» у канцы жніўня 1965 годаФакты о песне «She Said, She Said» на сайте music-facts.ru. На той момант Фонда толькі што перанёс смяротна небяспечную аперацыю і, знаходзячыся пад уражаннем, увесь час паўтараў: «Я ж ведаю, як гэта — памерці»Рецензия на альбом «Revolver» в энциклопедии рока. Гурт спыніўся ў раскошным доме па адрасе 2850 Бенедыкт каньён, Беверлі-ХілзБары Майлз. «The Beatles: Дзённік». (1998), с. 169.. Неўзабаве, калі ў горадзе стала вядома месцазнаходжанне музыкантаў, туды масавымі плынямі накіраваліся паклоннікі «The Beatles». Фанаты прыязджалі па вядомым адрасе на аўтамабілях, праз што рух на бульвары Сансет быў амаль цалкам паралізаваны. Нягледзячы на прыкметную аддаленасць дома ад горада, гэта не перашкаджала паклоннікам спрабаваць пранікнуць на яго тэрыторыю. Паліцэйскае ўпраўленне накіравала нарад паліцэйскіх, якія адказвалі за бяспеку музыкантаў. Былі вядомы выпадкі, калі некаторыя з паклоннікаў гурта нават арандавалі верталёты, каб шпіёніць з паветра. Музыканты не мелі магчымасці пакінуць горад. Падчас гастроляў «The Beatles» таксама сустрэліся з актрысай Элінар Брон (якая сыграла адну з галоўных роляў разам з гуртом у фільме «На дапамогу!»), Пегі Ліптан і вядомай спявачкай фолк-музыкі Джаан БаэзПітэр Браўн. «Любоў, якую ты аддаеш» (2002), с. 171—172.. 24 жніўня ўдзельнікі гурта «The Beatles» сустрэліся з музыкантамі «The Byrds» і кінаакцёрам Пітэрам Фондай. Падчас таго ж самага візіту музыкантаў у Лос-Анджэлес адбылася гістарычная сустрэча «The Beatles» з Элвісам Прэслі.
Структура песні Песня пабудавана выключна на трох акордах: сі-бемоль (I), ля-бемоль мажор (ля-бемоль-VII) і мі-бемоль (IV). Песня гучыць у міксалідыйскім ля мажоры; у прыпеве ёсць транспанацыя сі-бемоля, які мадуліруе к мі-бемоль мажору ў сувязнай партыі. Пераход з адной танальнасці ў іншую адбываецца з фа мінорам (ля-мінорны лад) акорда і галоўным акордам песні. Падобны спосаб гурт ужываў і ў такіх ранніх запісах, як «From Me to You» і «I Want To Hold Your Hand».
Асноўным элементам прымененага ў песні псіхадэлічнага стылю з'яўляецца ўспамін пра дзяцінства: «Калі я быў хлопчыкам, усё было добра, усё было добра» (гэтая фраза паўтараецца ў песні двойчы). Двайное ўжыванне гэтай фразы можна ахарактарызаваць як адвольную змену думкі з мэтай аднаўлення шчаслівых успамінаў дзяцінства. Настолькі раптоўны пераход ад разваг пра смерць да ўспамінаў пра дзяцінства ілюструе спарадычныя думкі, выкліканыя прыёмам ЛСД.
Спецыялісты таксама часта адзначаюць інавацыйны ўнёсак Рынга Стара ў песні «She Said She Said». Гучанне барабанаў у гэтым трэку стварае ўражанне адсутнасці сувязі з вакаламі ці якім-небудзь іншым музычным інструментам. Некаторыя гарачыя паклоннікі ўдарных інструментаў называюць ударную працу Стара ў гэтай песні адной з лепшых у гісторыі папулярнай музыкі. Ігра Рынга ў гэтай кампазіцыі нагадвае джазавы стыль Мітча Мітчэла, барабаншчыка гурта «The Jimi Hendrix Experience».
Дэнверскі калекцыянер Крыс Лопес знайшоў стужку з песняй «She Said She Said», у запісе якой удзельнічаў толькі адзін музыкант, яе непасрэдны аўтар, Джон Ленан. Першапачатковым уладальнікам запісу быў Энтані Кокс, былы муж другой жонкі Ленана, Ёка Она. Кокс выставіў запіс на продаж у вядомым аўкцыённым доме «Крысціс» у Лондане.
Запіс песні Песня стала адной з апошніх, якая была запісана падчас гуказапіснай сесіі альбома «Revolver»Марк Льюісан. «Гуказапісныя сесіі "The Beatles"» (1988), с. 84.. Музыкантам спатрэбілася менш за дзевяць гадзін для правядзення шэрагу рэпетыцыйных сесій і запісу канчатковай версіі песні.
Паводле Харысана, ён дапамог структураваць канчатковы варыянт, ён жа выканаў партыю бас-гітары ў студыі пасля сыходу Мак-Картні«Анталогія "The Beatles"» (2000), с. 97.. Пазней Мак-Картні ўспамінаў: «Не ўпэўнены, але гэта адна з тых песень «The Beatles», у запісе якой я не прымаў удзелу. Здаецца, было нешта накшталт спрэчкі паміж намі, я сказаў: "Ды пайшлі вы ўсе" — а яны мне: "Добра, мы зробім яе самі"».
У запісе ўдзельнічалі Джон Ленан — вядучы вакал, рытм-гітара, арган Хаманда Джордж Харысан — бэк-вакал, сола-гітара, бас-гітара Рынга Стар — барабаны
Крыніцы
Літаратура «Анталогія "The Beatles"» (2000), Сан-Францыска: «Chronicle Books». ISBN 0-8118-2684-8.
Пітэр Фонда. «Не кажыце таце: біяграфія» (1998), Нью-Ёрк: Гіперыён.
Бары Майлз. «Пол Мак-Картні: Шмат гадоў таму» (1997), «Henry Holt & Company», Нью-Ёрк ISBN 0-8050-5249-6 Бары Майлз «The Beatles: Дзённік». Omnibus Press. ISBN 978-0-7119-9196-5. Дэвід Шэф. «Усё, пра што мы кажам: Апошняе асноўнае інтэрв'ю з Джоном Ленанам і Ёка Она» (2000), Прэса Святога Марціна, Нью-Ёрк ISBN 0-312-25464-4 Джэн Венер (2000). «Ленан успамінае» (Поўная версія інтэрв'ю з Джонам Ленанам 1970 года для часопіса «Rolling Stone»). Лондан: Verso. ISBN 1-85984-600-9.
Катэгорыя:Песні паводле алфавіта Катэгорыя:Песні The Beatles