Трыумфальная арка Канстанціна (, ) — трохпралётная арка, размешчаная ў Рыме паміж Калізеем і Палацінам на старажытнай Via Triumphalis. Пабудавана ў 315 годзе і прысвечана перамозе Канстанціна над Максенцыем у бітве ля Мільвійскага моста 28 кастрычніка 312 года. З’яўляецца самай позняй з захаваных рымскіх трыумфальных арак, выкарыстоўвае элементы дэкору, знятыя з больш старажытных манументаў (споліі). Акрамя таго, гэта адзіная ў Рыме арка, пабудаваная ў гонар перамогі не над знешнім ворагам, а ў грамадзянскай вайне.
Апісанне Арка мае вышыню 21 м, шырыню 25,7 м і глыбіню 7,4 м. Цэнтральны пралёт 11,5 м вышынёй і 6,5 шырынёй, бакавыя: па 7,4 м і 3,4 м. Асноўная частка манумента выканана з мармуровых блокаў, атык цагляны, абліцаваны мармурам.
Спасылкі
Апісанне аркі Пасвячальныя надпісы
Катэгорыя:Архітэктура Старажытнага Рыма Катэгорыя:Трыумфальныя аркі Катэгорыя:Славутасці Рыма Катэгорыя:З’явіліся ў IV стагоддзі