Апаладор Дамаскі — інжынер, архітэктар, канструктар і скульптар, які меў поспех у II стагоддзі н. э.
Апаладор быў родам з Дамаска, Рымская Сірыя, арамей паводле паходжанняEncyclopaedia Britannica, Apollodorus of Damascus, «Greek engineer and architect who worked primarily for the Roman emperor Trajan.»George Sarton (1936), «The Unity and Diversity of the Mediterranean World», Osiris 2: 406—463 . Ён быў улюбёнцам Траяна, для якога ён пабудаваў мост праз Дунай (даўжыня звыш 1 км) для кампаніі 105—106 гадоў у Дакіі. Ён таксама спраектаваў форум і калону Траяна ў Рыме, апроч іншых, меншых праектаў. Апаладор таксама спраектаваў трыумфальную арку Траяна ў Беневента і Анконе. Ён таксама лічыцца стваральнікам рымскага Пантэона і моста Алканeтар у Іспаніі. У 106 годзе ён таксама завяршыў ці аднавіў адэон Даміцыяна, будаўніцтва якога было пачата на Марсавым полі ў часы Даміцыяна. thumb|400px|злева|Грандыёзны мост Траяна праз Дунай. Апаладор стаіць на пярэднім плане за імператарам, які прыносіць ахвяру.
Калона Траяна, размешчаная ў цэнтры аднайменнага форума, вядомая як першы трыумфальны манумент такога роду. У часы кіравання Адрыяна, якога ён пакрыўдзіў насмешкай над яго дзейнасцю ў ролі артыста і архітэктара (за планы імператара Адрыяна для храма Венеры), Апаладор быў сасланы і неўзабаве, абвінавачаны ў выдуманых злачынствах, быў прысуджаны да смерці (Дыян Касій, LXIX, 4). Ён таксама напісаў навуковую працу «Аблогавыя механізмы» (грэч. Πολιορκητικά), якая была прысвечана Адрыяну.
Гісторыя пра смерць Апаладора паказвае працяглую варожасць у адносінах да Адрыяна ў сенатарскіх кругах працяглы час пасля яго кіравання, бо раз Дыян Касій уключыў яе ў сваю працу, то ён у гэта верыў. З тых часоў многія ўспрынялі за праўду гэты эпізод, але многае ў гэтай гісторыі не стасуецца і некаторыя вучоныя адмаўляюць яе гістарычнасць, напрыклад Р. Т. Рыдлі ў працы «Апаладор з Дамаска» (1989)
У гонар Апаладора названы кратар на Меркурыі.
Спасылкі
Джэймс Граут: 'Апаладор Дамаскі,' частка з Encyclopædia Romana
Катэгорыя:Архітэктары Старажытнага Рыма Катэгорыя:Старажытнагрэчаскія пісьменнікі Катэгорыя:Пісьменнікі II стагоддзя Катэгорыя:Будаўнікі мастоў Катэгорыя:Асобы