Мікалай Астапавіч Алексютовіч (, в. Бахаравічы, Пухавіцкі раён — Мінск) — беларускі гісторык філасофіі, філосаф. Кандыдат філасофскіх навук (1955).

Біяграфія Удзельнік Вялікай Айчыннай вайны, ваяваў у Чырвонай Арміі, лейтэнант.

Скончыў аддзяленне філасофіі гістарычнага факультэта БДУ (1952). З 1952 — у Інстытуце філасофіі і права (ІФП) АН БССР. У 1955 годзе абараніў кандыдацкую дысертацыю на тэму «Перадавая грамадская і філасофская думка ў Беларусі ў XVI ст.». Працаваў у Інстытуце філасофіі і права АН Беларусі, у Беларускім тэхналагічным інстытуце (з 1963).

Дзейнасць Даследаваў гісторыю грамадска-палітычнай і філасофскай думкі, гісторыю рэлігіі і атэізму на Беларусі эпохі Сярэднявечча, асветніцкую дзейнасць, літаратурную творчасць і светапогляды Ф. Скарыны, С. Буднага, В. Цяпінскага, Л. Зізанія і інш.

Адзін са складальнікаў і аўтараў кнігі «З гісторыі філасофскай і грамадска-палітычнай думкі Беларусі» (Мн., 1962), якая ўвяла ў навуковае карыстанне працы мысляроў Беларусі XVI—XVIII ст.

У дыскусіі па кнізе А. Ф. Коршунава «Апанас Філіповіч: Жыццё і творчасць» выказаў думку пра патрэбу новага аб'ектыўнага падыходу да пытання пра беларускую дзяржаўнасць у Сярэднявеччы (А дзе ж ісціна аб'ектыўная? // Полымя, 1966, № 5).

Бібліяграфія Гуманистические идеи в Белоруссии: Скорина и его последователи // История философии в СССР. — М., 1968. Светапогляд Ф. Скарыны // 450 год беларускага кнігадрукавання. — Мн., 1968. Францыск Скарына // Нарысы гісторыі народнай асветы і педагагічнай думкі ў Беларусі. — Мн., 1968. Імя яго гучыць у стагоддзях // Полымя, 1967, № 7. А дзе ж ісціна аб'ектыўная? // Полымя, 1966, № 5 З глыбінь стагоддзяў: Беларускі філосаф К. Лышчынскі // Полымя, 1966, № 1. Из истории философской и общественно-политической мысли Белоруссии. Избранные произведения XVI — нач. XIX в. — Мн., 1962 (чл. авт. кол.). Обзорная рецензия на изданные материалы, лекции по вопросам научно-атеистической секции. — Мн., 1961. «Святло ў цемры» (1960) Скарына, яго дзейнасць і светапогляд. — Мн., 1958. Передовая общественная и философская мысль в Белоруссии в XVI в.: Автореферат диссертации. — Мн., 1955.

Літаратура

Батвіннік М. Б. Алексютовіч Мікалай Астапавіч // Энцыклапедыя гісторый Беларусі. — Т. 1. — Мн., 1993.

Катэгорыя:Гісторыкі Беларусі Катэгорыя:Кандыдаты філасофскіх навук Катэгорыя:Выкладчыкі БДТУ Катэгорыя:Удзельнікі Вялікай Айчыннай вайны