Правінцыя Масачусетс Бэй, Правінцыя Масачусецкага заліва () — Каронная калонія Вялікабрытаніі, якая існавала на паўночна-ўсходнім узбярэжжы Паўночнай Амерыкі (цяпер штаты Масачусетс, Мэн і частка Нью-Гэмпшыра) з 1691 па 1776 год. Самая вялікая па тэрыторыі з трынаццаці калоній, якія падпісалі ў 1776 годзе Дэкларацыю незалежнасці ЗША.
Правінцыя была ўтворана хартыяй караля Вільгельма III і каралевы Марыі II шляхам зліцця Плімуцкай калоніі і Калоніі Масачусецкага заліва, а таксама правінцыі Мэн, Нантакета, Мартас-Він'ярд і тэрыторыі, вядомай цяпер як Новая Шатландыя. Хартыя набыла моц 14 мая 1692 года, а Новая Шатландыя адлучылася ў 1696 годзе. Адначасова правінцыя Нью-Хэмпшыр была аддзелена ад калоніі Масачусецкага заліва.
У 1725 годзе кароль Георг I падпісаў новую хартыю, якая дала калоніі больш правоў.
Правінцыя кіравалася брытанскімі губернатарамі аж да 7 кастрычніка 1774 года. У гэты дзень Вярхоўны суд Масачусетса заснаваў Кангрэс Правінцыі Масачусетс, што ў далейшым прывяло да вайны за незалежнасць ЗША. У чэрвені 1780 года ўступіла ў дзеянне Канстытуцыя штата Масачусетс.
Спасылкі Colonial Massachusetts Town Nomenclature
Катэгорыя:Гісторыя Масачусетса Катэгорыя:Гісторыя Мэна Катэгорыя:Былыя калоніі Вялікабрытаніі Катэгорыя:Трынаццаць калоній Катэгорыя:Зніклі ў 1776 годзе