Ном (ад вобласць, акруга; ), септ, сепат () — адміністрацыйная акруга ў Старажытным Егіпце.
Уяўляла сабой палітычнае аб'яднанне, неабходнае для ўтварэння і функцыянавання адзінай ірыгацыйнай сістэмы. Кожны ном меў дакладна вызначаныя межы, палітычны і рэлігійны цэнтр, войска, герб і багоў-апекуноў. Адміністрацыйным апаратам кіраваў намарх (правіцель нома).
Колькасць номаў і іх плошча не былі пастаяннымі. У спісах номаў Старога царства (28—23 ст. да н.э.) у храмах фараонаў Снофру і Ніусера пералічаны 37 номаў. У «Кнізе мёртвых» (стараж.-егіпецкі зборнік заклінанняў і гімнаў) названы 42 багі, што адпавядала 42 номам Новага царства (каля 1580 — каля 1070 да н.э.).
Літаратура
Катэгорыя:Геаграфія Старажытнага Егіпта Катэгорыя:Адміністрацыйны падзел гістарычных дзяржаў