Медумскія гусі, Гусі з Медума — вядомая жывапісная сцэна з афарбаванай тынкоўкі, якая паходзіць з грабніцы егіпецкага прынца Нефермаата, якая знаходзіцца ў мастабе 16 у Медуме. У цяперашні час закансерваваны арыгінал фрыза знаходзіцца ў Каірскім музеі. Дакладная копія маецца таксама ў Брытанскім музеіAlegre García, Susana (2007). «Las ocas de Meidum ».
Гісторыя
Прыкладнай датай стварэння фрыза з'яўляецца 2550 да н. э.
Сцэна была знойдзена ў 1871 годзе і . Яна была часткай вялікай сцэны ворыва, сяўбы і палявання. Фрэска была знята вучонымі са сцяны, каб быць перанесенай у музей.
Асаблівасцю гэтай карціны з'яўляецца не толькі яе высокае дэталёвае адлюстраванне птушак, але таксама ўнікальнасць яе тэхнікі ва ўсім старажытным Егіпце.
Апісанне
Памеры фрыза 172 на 27 см. На ім тэхнікай сухой фрэскі створаны вельмі рэалістычныя выявы гусей, якія з'яўляюцца сімвалам бога зямлі Геба.
Поўная сцэна адлюстроўвае шэсць гусей; тры паказаны злева, а тры — справа. Кожная група з трох гусей складаецца з адной гусі, якая харчуецца травой, паказанай з апушчанай галавой, і двух гусей з паднятымі галовамі.
Група з трох жывёл на самай справе прадстаўляе сабой шмат гусей, бо тры ўяўляе мноства ў егіпецкім пісьменстве. Іерогліфы для паняццяў «гусі» G38 і «качкі» G39 былі выкарыстаны для вызначэння агульнага паняцця «птушкі» і звязаны з рэлігійнай сімволікай, якая мусіць адагнаць зло і выклікаць адраджэнне. У такой якасці яны неаднаразова былі выкарыстаны на карцінах у грабніцах.
Ёсць адрозненні ў апярэнні птушак, якія парушаюць агульную сіметрыю сцэны. Гэты прыклад егіпецкага жывапісу лічыцца шэдэўрамTiradritti,F. (editor), Egyptian Treasures from the Egyptian Museum in Cairo. Harry N. Abrams Inc. 1999, pp. 60-61, ISBN 0-8109-3276-8.
Мастацтва Старажытнага царства надавала самую пільную ўвагу дэталям раслін і жывёл, таму нават сёння магчыма ідэнтыфікацыя відаў гусей на фрызе. Дзве крайнія птушкі з'яўляюцца прадстаўнікамі віду , пара злева ставіцца да віду , а пара справа — да віду P.H. Houlihan: The Birds of Ancient Egypt, El Cairo, 1992, pp. 57 y 60-62.. Трэба аддзначыць, што і не сустракаюцца ў Егіпце.
Медумскія гусі створаны кропкавай тэхнікай, кожная выява створана з мноства каляровых плям, пры гэтым фігуры гусей выглядаюць уражальна натуральнымі і жывымі. Для дасягнення эфекту глыбіні, гусі намаляваны парамі, а невыразныя зялёныя расліны з чырвонымі кветкамі дапаўняюць карціну птушак, якія пасвяцца на беразе сажалкі.
Звяртаюць на сябе ўвагу натуральныя колеры, атрыманыя нанясеннем фарбы на сухую тынкоўку.
Спрэчкі пра магчымую фальсіфікацыю
У даследаванні 2015 года, зробленым італьянскім егіптолагам Франчэска Тырадрыці (Francesco Tiradritti) з і апублікаваным на сайце , падаецца меркаванне, што Медумскія гусі з'яўляюцца падробкай XIX стагоддзя, магчыма, створанай уласнаруч http://news.discovery.com/history/art-history/egypts-mona-lisa-may-be-a-fake-150401.htm . Прэтэнзіі Тырадрыці былі ў хуткім часе адхілены Захі Хавасам і іншымі вядомымі егіптолагамі.
Літаратура
Patrick F. Houlihan: The Birds of Ancient Egypt. The American University in Cairo Press, Kairo 1988, S. 57-62, ISBN 977-424-185-1. Amenta, Alessia (2005). I tesori del Museo egizio del Cairo. Ed. White Star.
Спасылкі
Ученые: древнеегипетская «Мона Лиза» может быть фальшивкой
Катэгорыя:Фрызы Катэгорыя:Мастацтва Старажытнага Егіпта Катэгорыя:3 тысячагоддзе да н.э. Катэгорыя:Фрэскі