Сяргей Міхайлавіч Ясінскі (нар. , ) — беларускі футбаліст і трэнер.
Кар’ера футбаліста Большую частку сваёй кар’еры футбаліста правёў у віцебскіх клубах «Віцебск» (ранейшыя назвы «Дзвіна», КІМ і «Лакаматыў-96»), «Лакаматыў» (СКБ) і «Дынама-Энергагаз». Таксама выступаў за маладзечанскую «Працу», дубль сталічнага «Дынама» і «Азярцы» з Глыбокага. Ясінскі меў вопыт гульні і па-за межамі СССР і Беларусі ў Польшчы, Ізраілі і Венгрыі.
Кар’ера трэнера Скончыў Віцебскі педінстытут (1989). Трэнерскую кар’еру пачаў у «Азярцах», дзе быў гуляючым трэнерам, а з 2001 года працаваў у віцебскай СДЮШАР-6. У 2003 годзе ўвайшоў у трэнерскі штаб мясцовага «Лакаматыва», з 2005 па лета 2006 года быў галоўным трэнерам каманды. Пасля па паўгода працаваў у «Оршы» і «Гомелі». З лета 2007 года быў галоўным трэнерам мінскага «Лакаматыва», які вывеў у Вышэйшую лігу, але ўлетку 2008 года быў звольнены. У 2009 годзе ўзначальваў мазырскую «Славію», пасля чаго працаваў у Малдове і Казахстане.
У 2010 годзе вярнуўся з Казахстана і неўзабаве ўзначаліў пастаўскую акадэмію ПМЦ. Заставаўся ў ПМЦ да спынення існавання акадэміі ў канцы 2014 года. Са студзеня 2015 года працаваў трэнерам дубля «Віцебска», а ў ліпені таго ж года пасля адстаўкі Сяргея Вехцева быў прызначаны выканаўцам абавязкаў галоўнага трэнера і пазней зацверджаны на пасадзе.
11 снежня 2020 года Сяргей Ясінскі па пагадненні бакоў скасаваў кантракт з «Віцебскам» і ўзначаліў моладзевую зборную Беларусі. Спачатку быў выканаўцам абавязкаў галоўнага трэнера, а ў студзені 2021 года быў афіцыйна зацверджаны на пасадзе.
У жніўні 2022 года зноў стаў галоўным трэнерам «Віцебска», захаваўшы пасаду ў моладзевай зборнай. Па выніках сезона 2022 віцебская каманда заняла 15-е месца і выбыла ў Першую лігу, пасля чаго Ясінскі пакінуў клуб і сканцэнтраваўся на моладзевай зборнай. Пакінуў моладзевую зборную ў лістападзе 2023 года.
Крыніцы
Катэгорыя:Футбалісты СССР Катэгорыя:Футбалісты Беларусі Катэгорыя:Ігракі ФК Віцебск Катэгорыя:Ігракі ФК Маладзечна Катэгорыя:Ігракі ФК Дынама Мінск Катэгорыя:Ігракі ФК Лакаматыў Віцебск Катэгорыя:Ігракі ФК Ягелонія Беласток Катэгорыя:Ігракі ФК Тарпеда Магілёў Катэгорыя:Ігракі ФК Шымшон Тэль-Авіў Катэгорыя:Ігракі ФК Энергетык Новалукомль Катэгорыя:Ігракі ФК Штадлер Катэгорыя:Ігракі ФК Віцьбіч-Дынама-Энерга Катэгорыя:Ігракі ФК Азярцы Глыбокае Катэгорыя:Футбольныя трэнеры Беларусі Катэгорыя:Трэнеры ФК Азярцы Глыбокае Катэгорыя:Трэнеры ФК Віцебск Катэгорыя:Трэнеры ФК Орша Катэгорыя:Трэнеры ФК СКВІЧ Катэгорыя:Трэнеры ФК Славія Мазыр Катэгорыя:Трэнеры ФК ПМЦ Паставы Катэгорыя:Трэнеры маладзёжнай зборнай Беларусі па футболе Катэгорыя:Выпускнікі Віцебскага дзяржаўнага ўніверсітэта імя П. М. Машэрава