thumb|Juan Bautista Antequera.
Juan Bautista Antequera y Bobadilla nado en San Cristóbal de la Laguna, Tenerife o 1 de xuño de 1823 e finado en Alhama de Murcia, Murcia no 1890. Foi un militar e político español, Vicealmirante da Armada Española e Ministro de Mariña.
Carreira militar Ingresou na Real Armada Española como gardamariña en 1838. Distinguiuse nos sitios das sublevadas Alacant e Cartagena, polo que lle foi concedida a Cruz de San Fernando. Ao mando do bergantiño Galiano na Habana loitou contra as expedicións piratas. Na guerra de África, en 1859, tomou parte nos combates de Río Martín, Larache e Arcila, séndolle concedido polo seu comportamento o emprego de Coronel de Infantaría de mariña. Durante a guerra hispano-suramericana de 1865, tomou o mando da fragata blindada Numancia ás ordes do Almirante Casto Méndez Núñez asistindo ao bombardeo de Valparaíso e ao combate do Callao. Efectuou co seu buque a viaxe de circunnavegación á terra.
Xa co emprego de contraalmirante, foi nomeado Comandante Xeral do Apostadeiro de Filipinas.
Carreira política Foi elixido senador do Reino pola provincia das Canarias nas Cortes de 1871, 1872 e 1876, por Alacant en 1877 e nomeado senador vitalicio en 1884.
Como Ministro de Mariña, foi o creador da Revista Xeral de Mariña, a Colección Lexislativa, códigos e regulamentos.
Foi inhumado no Panteón de Mariños Ilustres o 4 de setembro de 1922.
Notas
Categoría:Ministros de España Categoría:Nados en 1823 Categoría:Finados en 1890 Categoría:Nados en San Cristóbal de La Laguna