A arquidiocese de Minsk-Mahilioŭ é unha sé metropolitana da Igrexa Católica Latina. En 2004 tiña 210.000 bautizados sobre unha poboación total de 4 800 000 habitantes. Dende 2021, o seu arcebispo é Iosif Stanieŭski.
Territorio A diocese abrangue as rexións belarusas de Minsk e Mahilioŭ, e a propia cidade autónoma de Minsk. Limita ao leste coa arquidiocese de Moscova, ao norte coa diocese de Viciebsk, ao oeste coa diocese de Hrodna e ao sur coa diocese de Pinsk.
A sé arcebispal é a cidade de Minsk, onde está a catedral de Santa María Virxe. En Mahilioŭ está a concatedral da Asunción da Virxe e Santo Estanislau.
O territorio está organizado en 6 vigairías e en 89 parroquias.
Historia Arquidiocese de Mahilioŭ O 15 de abril de 1783, co breve Onerosa pastoralis officii cura do papa Pío VI, foi erixida a arquidiocese de Mahilioŭ, en territorios até entón pertencentes á diocese de Smolensk e á diocese de Livonia. O 9 de agosto de 1798 cedeu territorio para erixir a diocese de Minsk, e ao mesmo tempo foi elevada ao rango de sé metropolitana.
En 1818 gañou territorios da suprimida diocese de Smolensk.
O 3 de xullo de 1848 cedeu territorios para erixir a diocese de Khersón.
En 1917 cedeu a xurisdición sobre os grecocatólicos para erixir o exarcado apostólico de Rusia.
O 22 de setembro de 1918 cedeu territorios para erixir a diocese de Riga.
O 8 de xuño de 1920 cedeu territorios para erixir a vigairía apostólica de Finlandia.
O 1 de xaneiro de 1921 cedeu territorios para erixir a vigairía apostólica de Siberia.
Diocese de Minsk O 9 de agosto de 1798 foi erixida a diocese de Minsk, orixinalmente sufragánea da arquidiocese de Mahilioŭ, e formada en territorios pertencentes á mesma.
Arquidiocese de Minsk-Mahilioŭ O 13 de abril de 1991 o papa Xoán Paulo II, coa bula Ex quadam, uniu ambas sés, unidas xa in persona episcopi entre 1869 e 1917. A nova sé metropolitana cedeu tamén territorio para erixir a administración apostólica de Novosibirsk.
O 13 de outubro de 1999 cedeu outra parte do seu territorio para erixir a diocese de Viciebsk. Episcopoloxio Arcebispos metropolitanos de Mahilioŭ Stanislaŭ Bohuš-Sestrancevič (11 de decembro de 1783 - 1 de decembro de 1826, finado) Kasper Kazimierz Cieciszowski (23 de xuño de 1828 - 28 de abril de 1831, finado) Ignacy Ludwik Pawłowski (1 de marzo de 1841 - 20 de xuño de 1842, finado) Kazimierz Roch Dmochowski (3 de xullo de 1848 - 24 de xaneiro de 1851, finado) Ignacy Hołowiński (24 de xaneiro de 1851 - 7 de outubro de 1855, finado) Wacław Żyliński (18 de setembro de 1856 - 5 de maio de 1863, finado) Anton Fijalkoŭski (23 de febreiro de 1872 - 11 de febreiro de 1883, finado) Aleksandras Gintautas–Dzievalstovkis (15 de marzo de 1883 - 26 de agosto de 1889, finado) Szymon Marcin Kozłowski (14 de decembro de 1891 - 26 de novembro de 1899, finado) Bolesław Hieronim Kłopotowski (15 de abril de 1901 - 24 de febreiro de 1903, finado) Jerzy Józef Szembek (9 de novembro de 1903 - 7 de agosto de 1905, finado) Apalinaryj Unukoŭski (16 de xuño de 1908 - 21 de maio de 1909, finado) Vincent Kliučynski (7 de abril de 1910 - 22 de setembro de 1914, renuncia) Eduard von der Ropp (25 de xullo de 1917 - 25 de xullo de 1939, finado) Jan Cieplak (administrador apostólico, 5 de xullo de 1923 – 14 de decembro de 1925, nomeado arcebispo de Vilnius) Boļeslavs Sloskāns (administrador apostólico, 13 de agosto de 1926 – 18 de abril de 1981, finado) Tadeusz Kondrusiewicz (administrador apostólico, 10 de maio de 1989 – 13 de abril de 1991, nomeado administrador apostólico da Rusia europea)
Bispos de Minsk Jakub Ihnacy Daderka (1798 - 13 de febreiro de 1829, finado) Mateŭš Lipski (28 de febreiro de 1831 - 21 de novembro de 1839, finado) Adam Wojtkiewicz (18 de marzo de 1852 - 23 de decembro de 1869, finado) Zygmunt Łoziński (2 de novembro de 1917 - 28 de outubro de 1925, nomeado bispo de Pinsk) Boļeslavs Sloskāns (administrador apostólico, 13 de agosto de 1926 – 18 de abril de 1981, finado) Tadeusz Kondrusiewicz (administrador apostólico, 10 de maio de 1989 – 13 de abril de 1991)
Arcebispos metropolitanos de Minsk-Mahilioŭ Kazimierz Świątek (13 de abril de 1991 - 14 de xuño de 2006, retirado) Antonij Dziamjanka (administrador apostólico, 14 de xuño de 2006 - 21 de setembro de 2007) Tadeusz Kondrusiewicz (21 de setembro de 2007 - 3 de xaneiro de 2021, retirado) Kazimierz Wielikosielec (administrador apostólico, 3 de xaneiro de 2021 - 14 de setembro de 2021) Iosif Stanieŭski (14 de setembro de 2021 - actualidade)
Notas
Categoría:Divisións territoriais católicas en Belarús Categoría:Arquidioceses da Igrexa católica latina