250px|miniatura|Universidade Pública de Navarra A Universidade Pública de Navarra, abreviado UPNA (en , NUP; en ), é unha universidade pública española, a segunda por número de alumnos existente en Navarra. Ten aproximadamente 8.000 alumnos en tres campus situados en Pamplona e Tudela.
A UPNA foi creada en 1987 polo Parlamento de Navarra, por iniciativa do entón goberno socialista de Gabriel Urralburu, co obxectivo de que ampliase a oferta de titulacións existentes e de que reunise as ensinanzas universitarias impartidas en centros públicos que, ata ese momento, actuaban sen a coordinación suficiente.
Xunto coa Universidade de Navarra (privada) e a UNED é unha das tres universidades con sede na capital navarra.
A UPNA ten unha comunidade estudantil activa. Participa desde 2023 na Liga Matemática da Asociación Nacional de Estudiantes de Matemáticas co equipo Matemágicos, e o seu órgano de representación estudantil é o Consello de Estudantes da Universidade Pública de Navarra.
Centros Pódense cursar 22 titulacións oficiais e especialidades de primeiro e segundo ciclo, 23 de grao, e máis de 30 programas de posgrao, ademais de 8 títulos propios en 4 Facultades e 2 Escolas Superiores:
Facultade de Ciencias Económicas e Empresariais. Facultade de Ciencias Humanas e Sociais. Facultade de Ciencias Xurídicas. Facultade de Ciencias da Saúde (Antiga Escola Universitaria de Estudos Sanitarios). Escola Técnica Superior de Enxeñeiros Agrónomos. Escola Técnica Superior de Enxeñeiros Industriais e de Telecomunicación.
Campus A universidade conta con tres campus: Campus de Arrosadía, obra de Sáenz de Oiza, con 26 hectáreas urbanizadas, atópase en Pamplona e aglutina o Aulario, a Biblioteca, sete edificios departamentais, o Reitorado, o edificio de Administración e Xestión, o edificio de Talleres e Laboratorios, a cafetaría, Comedores, e o edificio de El Sario. Campus de Ciencias de la Salud, no recinto do Complexo Hospitalario de Navarra da cidade de Pamplona, nel atopamos o edificio de Ciencias da Saúde co Departamento do mesmo nome e a Escola Universitaria de Estudos Sanitarios. Campus de Tudela, entrou en funcionamento en 2008 na cidade de Tudela.
Véxase tamén Lista de universidades de España Ligazóns externas Sitio web oficial