O metalcore melódico é un estilo do metalcore que combina os sons e características do death metal melódico co hardcore punk e metalcore, ocasionalmente tamén do emo. As grandes influencias dos grupos deste xénero son os riffs de guitarra e estilos musicais dos grupos de death metal melódico suecos como At the Gates, Arch Enemy, In Flames e Soilwork. Os grupos deste estilo adoptan un uso maior de melodías instrumentais nos seus temas e un maior uso de voces limpas co metalcore. As técnicas de guitarra e batería son as típicas do metalcore, incluíndo os habituais breakdowns do xénero. Algúns grupos deste estilo tamén inclúen solos de guitarra nos seus temas.
Os grupos máis representativos deste estilo son entre outros Trivium, All That Remains, Atreyu, Bullet for My Valentine, Bury Tomorrow, Darkest Hour, Asking Alexandria, As I Lay Dying, August Burns Red e The Devil Wears Prada.
Notas
Categoría:Subxéneros do heavy metal